Real-Life Weight Loss Story: वजन कमी करणे अनेकांसाठी अत्यंत अवघड काम आहे. तुम्हाला जर वजन कमी करायचे असेल तर तुम्हाला शिस्त, सातत्य आणि योग्य रणनीती या तीन गोष्टींचे पालन करावे लागते. वजन कमी करणे म्हणजे फक्त डाएटिंग करणे नाही तर जीवनशैलीत असे बदल करणे आहे जे कायम टिकून राहतील य फिटनेस प्रशिक्षक महताब एकाय( Mahtab Ekay) शाश्वतपद्धतीने वजन कमी करण्याचे योग्य उदाहरण आहे. वजन कमी करण्याच्या तिच्या अविश्वसनीय प्रवासाने सर्वांनाच थक्क केले आहे. फक्त तीन महिन्यांत तिने ९ किलो वजन कमी केल्याचे पाहून अनेकांना प्रेरणा मिळाली आहे. महताबच्या वजन कमी करण्यासाठी नक्की काय केले हे तिच्या अधिकृत इंस्टाग्राम अकाउंटवर सांगितले आहे. कॅलरीचे सेवन कमी करण्याबाबत तिने काही टिप्स सांगितल्या ज्यामुळे वजन कमी करणे सोपे झाले.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

कॅलरीचे सेवन कमी करून कमी केले वजन

“कॅलरीजची कमतरता” म्हणजे तुमचे शरीर जितके कॅलरीजच उर्जेत रुपांतर करते त्यापेक्षा कमी कॅलरीजचे सेवन करणे घेणे, ज्यामुळे वजन कमी होते. आपल्या पोस्टमध्ये, महताबने कॅलरीजचे सेवन कमी करण्याच्या गेम चेंजिंग टिप्स शेअर केल्या आहेत. तिचा महत्त्वाचा सल्ला असा होता की, “तुम्ही तुमच्या कॅलरीजचे सेवन कमी करण्यामध्ये सातत्य ठेवल्यास तुमचे जास्तीचे वजन कमी होईल.” जर तुम्ही तुमच्या वजन कमी करण्याच्या प्रवासात संघर्ष करत असाल, तर येथे तिने वापरलेल्या काही प्रभावी पद्धतींबाबत सांगितले आहे, ज्या तुम्हाला वाढलेले वजन कमी करण्यास मदत करू शकतात.

१. तुमचे फायबरचे सेवन दररोज २५ ग्रॅम पर्यंत वाढवा

वजन कमी करण्यासाठी फायबर हे एक गेम-चेंजर आहे. ते तुम्हाला जास्त काळ पोट भरलेले ठेवते, भूक कमी करते आणि पचनास मदत करते. सर्वोत्तम फायबर स्रोत: एवोकॅडो, रास्पबेरी, नाशपती, चिया बीया, बटाटे, उच्च-फायबरयुक्त ब्रेड, विविध डाळी आणि शेंगा.

२. केवळ वजनावर लक्ष केंद्रित करू नका

जेव्हा वजन कमी होत नाही तेव्हा बरेच लोक निराश होतात. परंतु वजन कमी करताना किती वजन कमी झाले यावर लक्ष केंद्रित करण्यापेक्षाजर तुम्ही फॅट्सचे उर्जेत रुपांतर करताना स्नायू कसे तयारत होतील यावर लक्ष दिली पाहिजे.. त्याऐवजी, तुम्ही किती प्रगती केली या मागोवा घ्या:

  • नियमित प्रगतीचे फोटो काढा
  • जिममध्ये ताकद वाढवणारे व्यायाम करा
  • ठराविक काळाने शरीराचे मोजमाप करा
हेही वाचा

३. दर्जेदार झोपेला प्राधान्य द्या

कमी झोपेमुळे भूकेचे हार्मोन्स निर्माण होऊ शकतात, ज्यामुळे भूकेवर नियंत्रण ठेवणे कठीण होते. उपयुक्त टिप्स:

दररोज रात्री ७-८ तासांची शांत झोप घ्या.
जर पूर्ण रात्रीची झोप शक्य नसेल, तर रिचार्ज करण्यासाठी लहान पॉवर डुलक्या घ्या.

४. स्नॅक्ससाठी कमी कॅलरीयुक्त फळे निवडा

जेवणाच्या दरम्यान भूक लागली आहे का? अस्वास्थ्यकर स्नॅक्स घेण्याऐवजी, पौष्टिकतेने समृद्ध, कमी कॅलरीयुक्त फळे निवडा जसे की:
बेरी
टरबूज
अननस

५. रोज हळू हळू चालण्याचा वेळ वाढवा

कॅलरीज वापरण्याचा सर्वात सोपा मार्ग म्हणजे चालणे. कॅलरीजची कमतरता कमी राहण्यासाठी महताब दररोज चालण्याचा वेळ हळूहळू वाढवण्याची शिफारस करते.

प्रो टिप: तुम्ही दररोज ८,०००-१२,००० पावले स्थिर होईपर्यंत दर आठवड्याला १,०००-२,००० पावले वाढवून सुरुवात करा.

६. तुमचे आवडते पदार्थ खाणे बंद करू नका

वजन कमी करताना स्वत:वर अत्यंत कटक निर्बंध जवळजवळ नेहमीच उलट काम करतात. सर्वात मुख्य गोष्ट म्हणजे संतुलन. ते कसे योग्य पद्धतीने करावे:

आधी जेवणाचे नियोजन करा, प्रथम प्रथिने स्रोतांना प्राधान्य द्या.
तुमच्या आवडत्या पदार्थांना मर्यादित प्रमाणात जागा द्या.

हेही वाचा

७. अत्यंत कमी-कॅलरीयुक्त आहार टाळा

कॅलरीज खूप कमी करणे आकर्षक वाटू शकते, परंतु त्यामुळे अनेकदा बर्नआउट होते आणि वजन पुन्हा वाढते. महताब दररोज १,२०० कॅलरीजपेक्षा कमी न होण्याचा इशारा देतात. सुरक्षित वजन कमी करण्याचा दर: दर आठवड्याला ०.५-२ पौंड लक्ष्य ठेवा. जर तुम्ही खूप लवकर वजन कमी करत असाल तर तुमचे कॅलरीज सेवन थोडे वाढवा.

रोज गोड पदार्थ खाऊनही कमी केले वजन

रोज गोड पदार्थ खाऊनही वजन कमी करता येते. वजन कमी करताना तिने आहारात रोज ७० ते ८० टक्के गोड पदार्थांचा समावेश केला. यामध्ये विविध प्रकारची फळे, आइस्क्रिम किंवा काही बेक केलेल गोड पदार्थ देखील खाल्ले पण हे करताना कॅलरीचे सेवन कमी करा.

वजन कमी करणे म्हणजे स्वतःला उपाशी ठेवणे किंवा अतिरेकी आहाराचे पालन करणे नाही – ते तुमच्या जीवनशैलीशी जुळणाऱ्या शाश्वत सवयींबद्दल आहे. महताब एकायचे परिवर्तन सिद्ध करते की लहान, सातत्यपूर्ण बदल दीर्घकालीन परिणाम देऊ शकतात. आहारातील फायबर, नियमिक व्यायाम, झोप आणि संतुलन यावर लक्ष केंद्रित करून वजन कमी करू शकता.