जेवल्यानंतरही जंक फूड खाण्याची इच्छा होतेय? मग भूक नियंत्रित करण्यासाठी फॉलो करा ‘या’ ५ टिप्स

१) खूप पाणी प्या

जंक फूडची इच्छा नियंत्रित करण्यासाठी पुरेसे पाणी प्या. कारण शरीरात पाण्याच्या कमतरतेमुळे मेंदूमध्ये भुकेची भावना निर्माण होते. तसेच आपल्याला नेहमी काहीतरी खाण्याची इच्छा होत असते. पाणी प्यायल्याने भूक शमते, त्यामुळे जेव्हा तुम्हाला जंक फूड खाण्याची इच्छा होईल तेव्हा एक मोठा ग्लास पाणी प्या. यामुळे तुम्ही अस्वस्थ खाण्यापासून वाचाल.

२) प्रोटीनचे सेवन वाढवा

स्नायूंच्या मजबूतीसाठी पुरेसे प्रोटीन घेणे खूप महत्वाचे आहे. पण, तुम्हाला माहीत आहे का की, यामुळे सतत खाण्याची इच्छीही नियंत्रित ठेवण्यासही मदत होते. प्रोटीनयुक्त अन्न खाल्ल्याने पोट बराच काळ भरलेले राहते, त्यामुळे व्यक्तीला काहीही खावेसे वाटत नाही. यासाठी तुम्ही तुमच्या आहारात सोया, चीज, अंडी, चिकन, डाळी इत्यादींचा समावेश करू शकता.

३) काळजीपूर्वक खा

फूड क्रेविंग टाळण्यासाठी काळजीपूर्वक खाणे खूप महत्वाचे आहे. काळजीपूर्वक खाणे म्हणजे भूक आणि इच्छा यातील फरक ओळखणे. जेव्हाही भूक लागते तेव्हा काहीतरी आरोग्यदायी खा. उदाहरणार्थ, जर तुम्हाला चॉकलेटची इच्छा असेल तर तुम्ही सफरचंद किंवा कोणतेही गोड फळ खाऊ शकता. यासह खाण्यात थोडे अंतर ठेवा. यामुळे तुम्ही तुमचे पोट भरले आहे की नाही याची खात्री करू शकाल.

४) च्युइंग गमची मदत घ्या

जेव्हाही तुम्हाला काही जंक फूड खावेसे वाटेल तेव्हा च्युइंगम चखळा. जंक फूडची इच्छा नियंत्रित करण्यासाठी च्युइंगम हा एक सोपा मार्ग आहे. च्युइंग गम अन्न आणि साखरेची लालसा कमी करण्यास मदत करू शकते. ज्यांना वजन कमी करायचे आहे त्यांच्यासाठी हे खूप फायदेशीर ठरु शकते.

५) पुरेशी झोप घ्या

झोपेच्या कमतरतेमुळे जंक फूड खाण्याची इच्छा होऊ शकते. जे लोक रात्री उशिरापर्यंत जागे राहतात ते काही ना काही खात राहतात. खाण्याची इच्छा कमी करण्यासाठी पुरेशी झोप घ्या. जर तुम्हाला रात्रीच्या वेळी काही जंक फूड खाण्याची इच्छा होत असेल तर रात्री उशिरापर्यंत जागे राहू नका.