हात आणि पायांवरील स्ट्रेच मार्क्स हे शरीराला हानी पोहोचवत नाही. मात्र त्यांच्यामुळे लोकांना अस्वस्थ वाटते. त्यांच्यापासून सुटका मिळवण्यासाठी लोक अनेक सौंदर्य प्रसाधनांचा वापर करतात. सामान्यत: गर्भधारणेनंतर किंवा वजन कमी झाल्यानंतर शरीराच्या अनेक भागांवर स्ट्रेच मार्क्स दिसून येतात. नसांसारखे दिसणारे हे मार्क्स काही घरगुती उपयांनी कमी करता येऊ शकतात. आज या उपयांबाबत आपण जाणून घेऊया. स्ट्रेच मार्क्स कमी करण्यासाठी हे उपाय करा १) कोरफडचा वापर कोरफडमध्ये अँट-ऑक्सिडेंट गुण असतात जे स्ट्रेच मार्क्स कमी करण्यात मदत करू शकतात. प्रभावित भागावर रोज कोरफडचे जेल लावल्यास फरक दिसून येईल. आंघोळ झाल्यानंतर आणि झोपण्यापूर्वी हा उपाय करा. २) अंडे आणि 'जीवनसत्व क'च्या गोळ्या स्ट्रेच मार्क हटवण्यासाठी अंडे आणि 'जीवनसत्व क'च्या गोळ्या उपयुक्त ठरू शकतात. अंड्यात भरपूर प्रमाणात प्रथिने असते जे त्वचेला बरे करण्यात मदत करते. तर स्ट्रेच मार्क दूर करण्यासाठी जीवनसत्व क फायदेशीर आहे. तुम्ही २ अंड्यांच्या पांढऱ्या भागाला आणि 'जीवनसत्व क'च्या २ गोळ्यांना एका भांड्यात फेटा आणि ते ब्रशच्या मदतीने प्रभावित भागावर लावा. कोरडे झाल्यानंतर स्वच्छ धुवा. (World Diabetes Day 2022: ‘या’ अवयवांमध्ये सूज येणे हे रक्तातील साखर वाढण्याचे धोकादायक लक्षण) ३) नारळ आणि बदामाचे तेल नारळ आणि बदामाचे तेल स्ट्रेच मार्क हटवण्यात मदत करू शकतात. यासाठी नारळ आणि बदाम या दोघांचे तेल समप्रमाणात मिसळा आणि प्रभावित भागावर नियमित लावा. ४) काकडी आणि लिंबाच्या रसाचा वापर लिंबाच्या रसामध्ये नैसर्गिक अम्ल असते जे स्ट्रेच मार्क्स कमी करण्यास मदत करते, तर काकडीचा रस त्वचा ताजे ठेवण्यास मदत करतो. तुम्ही हे दोन्ही समान प्रमाणात प्रभावित भागावर लावा आणि सुमारे 10 मिनिटांनी धुवा.
