सणासुदीच्या दिवसांमध्ये चमचमीत आणि तेलकट पदार्थांचे सेवन अधिक प्रमाणात होते. त्यामुळे, पोटात समस्या निर्माण होऊ शकतात. तेलकट मसालेदार अन्न खाल्ल्याने पोटात उष्णता वाढते आणि जळजळ होते. हे अन्न लवकर पचत नसल्याने अ‍ॅसिडिटी, बद्धकोष्ठता, पोटात वेदना आणि इतर समस्या होऊ शकतात. काही घरगुती उपायांनी पोटात जळजळ होण्याच्या समस्येपासून तुम्हाला सुटका मिळू शकते.
पोटात जळजळ वाटत असल्यास या पदार्थांचे करा सेवन
१) बडिशेप
पोटात जळजळ झाल्यास तुम्ही बडिशेपचे सेवन करू शकता. बडिशेप ही मुळात थंडी असते. त्यामुळे तिचे सेवन केल्यास पोटातील उष्णता कमी होते आणि पोटाला आराम मिळते. बडिशेप खाल्ल्याने गॅस, पोटाची उष्णता आणि जळजळपासून आराम मिळते.
(Diwali beauty tips : चेहऱ्यावर उजळ येण्यासाठी दुधाच्या सायीचा असा करा वापर, आकर्षक दिसेल चेहरा)
२) वेलची
पोटातील जळजळपासून मुक्ती मिळवण्यासाठी वेलचीचे सेवन करा. वेलची मुळात थंडी असल्याने तिचे सेवन केल्यास तोंडाला आणि पोटाला थंडावा मिळतो. अ‍ॅसिडिटीची समस्या असल्यास वेलचीचे सेवन करा किंवा वेलची असलेला चहा घ्या, पोटाला आराम मिळेल.
३) तुळस
तुळस पोटातील जळजळपासून सुटका देऊ शकते. तुळशीत असे अनेक घटक असतात जे पोटाची उष्णता कमी करतात. तुळशीच्या सेवनाने पोटात अम्ल निर्माण होण्याची समस्या कमी होते. जेवल्यानंतर तुळशीची पाने चघळल्याने मसालेदार अन्नाचे पचन होण्यास मदत होते.
(कोरोनाचे सावट कायम; दिवाळी निमित्त पार्टी, फराळाचे आयोजन करताना ‘या’ गोष्टी करायला विसरू नका)
४) पुदिना
पुदिनाच्या सेवनाने पोटाची उष्णता कमी होऊ शकते. मसालेदार, चमचमीत खाल्ल्यानंतर पुदिन्याचे रस प्या, याने आराम मिळेल. पुदिन्यात अँटिऑक्सिडेंट, अँटिबॅक्टेरियल, अँटिइन्फ्लेमेटोरी आणि औषधीय गुण असतात जे पोटाची उष्णता, जळजळ कमी करण्यात मदत करतात.
(येथे देण्यात आलेली माहिती गृहीतके आणि सामान्य माहितीवर आधारित आहे. अधिक माहितीकरिता तज्ञांचा सल्ला घ्या.)
