Ukhane Video: उखाणे ही महाराष्ट्राच्या संस्कृतीचा एक महत्त्वाचा भाग आहे. उखाणे म्हणजे लयबद्ध पद्धतीने जोडीदाराचे नाव घेणे. कोणतेही शुभकार्य असो किंवा लग्न असो, पुरुष किंवा स्त्री आवडीने जोडीदाराचे नाव घेतात. पूर्वी महिला उखाणे घ्यायचे आता पुरुष मंडळी सुद्धा आवडीने उखाणे घेतात. सोशल मीडियावर उखाण्याचे अनेक व्हिडीओ व्हायरल होतात. काही उखाणे पोट धरून हसवणारे असतात तर काही उखाणे भावनिक करणारे असतात.
लग्नात हल्ली नवरदेवाला उखाणे विचारतात पण अनेकदा लग्नास कसे उखाणे घ्यावे, हे कळत नाही पण टेन्शन घेऊ नका. सध्या एक व्हिडीओ व्हायरल होत आहे. या व्हिडीओमध्ये नवरदेवासाठी काही भन्नाट उखाणे सांगितले आहे. हे उखाणे नवरदेव नवरीसाठी म्हणजेच पत्नीसाठी आवडीने घेऊ शकतो. ते उखाणे कोणते आहेत, हे जाणून घेण्यासाठी तुम्हाला हा व्हिडीओ पाहावा लागेल. (ukhane video best ukhane for groom in wedding watch viral video)
हेही वाचा : जीव वाचवण्यासाठी ‘ती’ कचऱ्याच्या पिशवीत लपली; स्कूटरवरून दोघे जण आले अन्…, पाहा थक्क करणारा VIDEO
व्हायरल व्हिडीओमध्ये सांगितल्याप्रमाणे – ( best ukhane for groom )
गाण्यांच्या सुराला तबल्याची साथ,
…. ने दिला मला प्रेमाचा हात
मंगळसूत्रात शोभतात काळे आणि सोनेरी मणी
….झाली आज माझी राणी
जन्म दिला मातेने, पालन केले पित्याने
..च्या गळ्यात मंगळसूत्र बांधतो प्रेमाने
सप्तपदीची सात वचनं देतील नवी
…सारखी पत्नी मला जन्मोजन्मा हवी
कृष्ण म्हणे राधेला जरा गालात हास
.. भरवतो मी गुलाब जामुनचा घास
देवाच्या देव्हाऱ्यात श्री गणपतीच्या पूजेला प्रथम स्थान
…ने दिला माला पतिराजांचा मान
पाहा व्हायरल व्हिडीओ (Watch Viral Video)
kalptaru11217 या इन्स्टाग्राम अकाउंटवरून हा व्हिडीओ शेअर करण्यात आला असून या व्हिडीओच्या कॅप्शनमध्ये लिहिलेय, “होणाऱ्या नवरदेवाला लगेच पाठवा…..”
हेही वाचा : प्रेमासाठी पाकिस्तानातून भारतात आलेल्या सीमा हैदरचा सचिनसोबत बेडरुममध्ये धमाकेदार डान्स; VIDEO तुफान व्हायरल
या व्हिडीओवर अनेक युजर्सनी प्रतिक्रिया दिल्या आहेत. एका युजरने लिहिलेय, “एक नंबर” तर एका युजरने लिहिलेय, “भाजीत भाजी मेथीची.. हाच उखाणा मस्त आहे” अनेक युजर्सना हे उखाणे आवडले आहेत.
