या पाच सोप्या हॅक्स ठेवतील इडली पात्र चकचकीत; पाहा भांड्यांना मिनिटांत स्वच्छ करतील या टिप्स…

इडली पात्र साफ करण्याच्या पाच टिप्स

१. गरम पाण्याने भांडे साफ करा.

इडली पात्राला चिकटून राहिलेले इडली पीठ जर तुम्ही गार पाण्याने काढत असाल तर त्याचा फारसा उपयोग होणार नाही. कारण गार पाणी वापरल्याने चिकटलेले पदार्थ कडक होऊ शकतात. तेलाचा अंश राहिल्यास तो देखील पटकन निघत नाही. अशात तुम्ही गार पाण्याऐवजी कोमट किंवा गरम पाण्याचा वापर करायला हवा. यामुळे भांड्याला चिकटलेले पीठ आणि तेलाचा अंश सहज साफ करता येतो. त्यामुळे घरी इडली बनवल्यानंतर इडलीची भांडी लगेच गरम पाण्यानी धुवून घ्या.

आणखी वाचा

काळी पडलेली चहाची गाळणी झटपट करा स्वच्छ; वाचा ‘या’ सोप्या टिप्स

IND vs AUS: “मी विराटला ओळखतो…,” कॉन्स्टास-कोहलीमध्ये मैदानात…

थंडीच्या दिवसात बनवा गरमागरम ‘गाजर रबडी’, रेसिपी वाचूनच तोंडाला सुटेल पाणी, लिहून घ्या सोपी साहित्य आणि कृती

महिलांनो तुम्हीही मुळ्याची पानं टाकून देता का? थांबा! ‘हे’ ७ फायदे वाचून कळेल किती मोठी चूक करताय

गाजर हलव्याचा चिखल होतो? नेमकं काय चुकतं म्हणून गाजर हलवा नीट होत नाही? करा फक्त ५ गोष्टी

थर्मासमधून दुर्गंध येतोय? ‘या’ तीन सोप्या टिप्सच्या मदतीने थर्मास करा स्वच्छ

कळकट, तेलकट, घाणेरडी उशी काही मिनिटांत होईल एकदम स्वच्छ; फक्त धुताना वॉशिंग मशीनमध्ये टाका ‘या’ ३ गोष्टी

हिवाळ्यात तुळशीची पानं पिवळी पडून सुकतायत? फॉलो करा फक्त चार टिप्स, तुळस पुन्हा होईल हिरवीगार

२. लिक्विड साबणाचा वापर करा

इडली पात्राला चिकटलेले पीठ काढण्यासाठी भांडी हलक्या हाताने घासायला हवी, नाही तर भांड्यांना चरे पडून भांडी खराब होऊ शकतात. म्हणून इडली बनवल्यानंतर इडली पात्र व इतर भांडी, गरम पाणी आणि लिक्विड साबण घातलेल्या मोठ्या टबात १५ ते २० मिनिटांसाठी भिजवून ठेवा आणि नंतर साफ करा. हलक्या हाताने भांडी घासण्यासाठी तुम्ही भांडी घासायच्या स्पंजचा वापर करू शकता.

हेही वाचा : अरे देवा, रात्रभर पार्टी अन् घरभर पसारा? झटपट घर आणि स्वयंपाकघर आवरण्याच्या या पाच टिप्स पाहा….

३. व्हिनेगरचा वापर

व्हिनेगरनेदेखील तुम्ही इडली पात्र स्वच्छ करू शकता. स्वयंपाकघरातील चिवट डाग काढण्यासाठी व्हिनेगर एखाद्या जादूप्रमाणे काम करतो. तुम्ही भांडी चमकावण्यासाठी, व्हिनेगरचे क्लिनर बनवू शकता. यासाठी एक भाग व्हिनेगरमध्ये दोन भाग पाणी मिसळून त्यामध्ये काही वेळासाठी इडली पात्र बुुडवून ठेवून नंतर ती भांडी पाण्याखाली धुवून घ्या. यामुळे भांडी अतिशय झटपट साफ होतात.

४. बेकिंग सोडा

आपण बरेचदा स्वयंपाकघरातील वस्तू स्वच्छ करण्यासाठी, ओटा किंवा शेगडीवरील चिकट, चिवट डाग काढण्यासाठी बेकिंग सोड्याचा वापर करत असतो. पण, या सोड्याचा वापर करून तुम्ही इडली पात्रदेखील अगदी चकचकीत करू शकता. यासाठी इडलीच्या भांड्यांवर थेट बेकिंग सोडा न टाकता, एक ते दोन चमचे बेकिंग सोडा एका मोठ्या बादलीत टाकून ढवळून घ्या. काही वेळासाठी इडलीची सर्व भांडी त्यामध्ये भिजवून ठेवा. नंतर भांडी घासायच्या मऊ स्पंजच्या मदतीने आरामात ही भांडी घासून घ्या. यामुळे भांडी पटापट स्वच्छ होतील आणि त्यांना चमक येऊन ती नव्यासारखी दिसतील.

५. लिंबू पाण्याचा वापर

लिंबू हा स्वयंपाकघरात अगदी हमखास मिळणारा असा पदार्थ आहे. याच्या ॲसिडिक आणि जंतुनाशक गुणधर्मांमुळे याचा वापर आपण बरेचदा वस्तू स्वच्छ करण्यासाठी करतो. या लिंबाच्या मदतीने इडली पात्र कसे साफ करायचे पाहूया. एक किंवा दोन लिंबांचा रस गरम पाण्याने भरलेल्या एका मोठ्या बादलीत काढून घ्या. आता त्यामध्ये इडली पात्र भिजवून ठेवून, काही वेळानंतर हलक्या हाताने घासून घ्या आणि भांडी पाण्याखाली स्वच्छ करून घ्या.

या सोप्या टिप्स आणि ट्रिक्स वापरून तुम्ही इडली पात्र किंवा कोणतीही चिवट भांडी अगदी सहजतेने स्वच्छ करून त्यांना चमकदार ठेऊ शकता.