वजन वाढणे ही एक सामान्य समस्या आहे. प्रत्येक व्यक्तीला वजन वाढण्याची चिंता असते. जास्त वजनामुळे मधुमेहापासून ते रक्तदाबापर्यंत अनेक गंभीर आजारांचा धोकाही वाढतो.वाढते वजन आणि पोटाची ढेरी ही सध्याची सर्वात मोठी समस्या बनली आहे. वाढलेलं वजन आणि पोटाची लटकणारी ढेरी तुमचे सौंदर्य तर बिघडवतेच सोबतच आरोग्यासाठी देखील हानिकारक असते. वाढलेल्या वजनामुळे अनेक आजार होण्याचा धोका संभवतो. वाढलेलं वजन आणि पोटाची ढेरी कमी करण्यासाठी आपण अनेक उपाय करतो. वजन कमी करण्यासाठी आपण डाएट व एक्सरसाइज करतो. तुम्हीही पोट कमी करण्यासाठी प्रयत्नशील आहात पण ते होत नाहीये का? तुम्ही डाएट आणि जिम व्यायामही करून पाहिले पण अपेक्षित परिणाम मिळाले नाहीत? यामागे रात्रीच्या वेळी खाण्याच्या चुकीच्या सवयी कारणीभूत असू शकतात. कारण काही असे पदार्थ असतात जे फक्त सकाळीच खावे आणि रात्री टाळावे. कोणते पदार्थ टाळावेत याबद्दल पोषणतज्ञ लोगाप्रितिका श्रीनिवासन यांनी सविस्तर माहिती दिली आहे.
सपाट पोट कसे मिळवायचे?
६ पदार्थ टाळावेत:
१. साखरेचे पदार्थ – केक, कुकीज आणि चॉकलेटसारखे साखरेचे पदार्थ संध्याकाळी ६ नंतर खाणे पूर्णपणे बंद करा. कॅलरीज जास्त असल्याने ते पोटात चरबी साठवण्यास कारणीभूत ठरू शकतात, ज्यामुळे वजन वाढू शकते. सुरुवातीला हा बदल करणे थोडे कठीण असू शकते, परंतु एकदा तुम्ही ते केले की त्याची सवय होते.
२. जड प्रथिने – पोषणतज्ज्ञ रात्रीच्या वेळी जड प्रथिने टाळण्याची शिफारस करतात. प्रथिने आरोग्यदायी असली तरी, लाल मांस आणि तिखट करीसारखे जड पदार्थ पचण्यास कठीण असू शकतात, ज्यामुळे झोपताना पोटाच्या समस्या उद्भवतात.
३. कोल्ड ड्रिंक – आपल्या सर्वांना माहित आहे की कोल्ड ड्रिंक आपल्या आरोग्यासाठी सर्वोत्तम नाहीत. सपाट पोट मिळवण्याचा प्रयत्न करताना, ते पूर्णपणे टाळणे आवश्यक आहे, विशेषतः संध्याकाळी ६ नंतर. यामध्ये सोडा, बिअर आणि स्पार्कलिंग वॉटरचा समावेश आहे, ज्यामुळे गॅस, पोट फुगणे आणि चरबी वाढू शकते.
४. दुग्धजन्य पदार्थ – संध्याकाळी ६ नंतर पोषणतज्ज्ञ दुग्धजन्य पदार्थ टाळण्याचा सल्ला देतात. दुग्धजन्य पदार्थ पोटावर खूप जड असतात आणि त्यामुळे पोट फुगणे आणि पचन समस्या उद्भवू शकतात. दूध, चीज, दही आणि क्रीम टाळा
५. तळलेले पदार्थ – फ्रेंच फ्राईज, पकोडे, कचोरी आणि समोसे यांसारखे डीप-फ्राईड पदार्थ खाणे टाळा. या पदार्थांमध्ये कॅलरीज जास्त असतात आणि ते चयापचय मंदावतात, ज्यामुळे जास्त चरबी साठवली जाते.
आता तुम्हाला संध्याकाळी ६ नंतर कोणते पदार्थ टाळायचे हे माहित आहे, ते तुमच्या आहारातून वगळा. एकदा तुम्ही असे करायला सुरुवात केली की, तुमच्या आरोग्यात बदल दिसून येईल.
