Underwear Washing Rules: कपडे धुताना आपण अशा अनेक गोष्टींकडे दुर्लक्ष करतो ज्याकडे लक्ष देणे सर्वात महत्त्वाचे आहे. आपल्यापैकी अनेकजण सर्व कपडे एकाच बादलीत धुण्यासाठी टाकतात. यामध्ये काही कपडे वेगळे धुवावे लागतील असा विचार देखील आपण करत नाही. आपल्यापैकी अनेकजण अंडरवेअर इतर कपड्यांसोबत धुतात, परंतु असे करणे योग्य आहे का? अंडरवेअर बाकीच्या कपड्यांसह धुवावी का? याला काय उत्तर आहे ते जाणून घेऊया.
संशोधकांच्या मते, एका अंडरवेअरमध्ये एका दिवसाला १० ग्रॅम घाण जमा होऊ शकते, म्हणून कल्पना करा की जेव्हा तुम्ही ते तुमच्या उर्वरित कपड्यांसह वॉशिंग मशीनमध्ये धुता तेव्हा काय होते? या पाण्यात सुमारे १०० दशलक्ष एस्चेरिचिया कोलाई आणि स्टॅफिलोकोकस ऑरियस बॅक्टेरिया असतील, जे संसर्ग पसरवण्यास कारणीभूत असल्याचे मानले जाते. एका संशोधनानुसार, अंडरवेअर इतर कपड्यांमध्ये मिसळून धुतल्याने पाण्यात १०० दशलक्ष E. coli (Escherichia coli) पसरू शकतात, ज्यामुळे तुम्हाला संसर्ग होण्याचा धोका वाढतो.
गरम पाण्याचा वापर करावा का?
ऑटोमॅटिक वॉशिंग मशिनने आपल्यासाठी बरेच कपडे धुवायला आणि सुकवायला खूप सोपे केले आहे. पण कपडे धुण्यासाठी पाण्याचे तापमान काय असावे, याकडे आपल्यापैकी बरेचजण लक्ष देत नाहीत. जर आपण १५ डिग्री सेल्सिअस तापमानात कपडे धुत असाल तर ते बरोबर आहे. परंतु आपल्याला हे देखील माहित असले पाहिजे की आपल्या काही कपड्यांमध्ये, विशेषत: अंडरवेअरमध्ये भरपूर बॅक्टेरिया असतात. म्हणूनच असे कपडे किमान ४० अंश सेल्सिअस तापमानात धुवावेत. जर ते परिधान करणार्‍या व्यक्तीला कोणताही संसर्ग झाला असेल, तर तुमचे अंतर्वस्त्र गरम पाण्यात वेगळे धुण्याची गरज अधिकच वाढते.
अंडरवेअरसोबत स्वयंपाकघरातील कपडे धुणे योग्य आहे का?
आपण आपले स्वयंपाकघर स्वच्छ ठेवण्यासाठी जे कपडे वापरतो, बरेच लोक ते कपडे अंडरवेअरसह वॉशिंग मशीनमध्ये टाकतात. तुम्हाला माहीत आहे का की जर तुम्ही स्वयंपाकघरातील कपडे अंडरवेअरसोबत धुतले तर याच किचन कपड्याला स्टॅफिलोकोकस ऑरियस आणि ई. कोलाय सारख्या जीवाणूंचा संसर्ग होतो आणि मग तुम्ही जेव्हा भांडी स्वच्छ करण्यासाठी या कपड्याचा वापर करता तेव्हा हे बॅक्टेरिया तुमच्यापर्यंत सहज पोहोचू शकतात.
( हे ही वाचा : वजन कमी करण्यासाठी ‘या’ १० स्टेप्स नक्की फॉलो करा, झपाट्याने वजन कमी होऊ शकते)
फक्त डिटर्जंट हा चांगला पर्याय नाही..
बरेच लोक कपडे धुण्यासाठी मजबूत डिटर्जंट वापरतात, तेही थंड पाण्यात. अंडरवियरमध्ये मोठ्या प्रमाणात बॅक्टेरिया असतात. म्हणूनच ते खूप गरम पाण्यात धुवावेत. अंडरवेअर धुण्यासाठी केवळ डिटर्जंट पुरेसे नाही. तुम्हाला गरम पाण्यात डिटर्जंट तसेच ब्लीचचा समावेश करावा लागेल, तरच संसर्ग पसरवणाऱ्या बॅक्टेरिया दूर जातील.
