वाढते वजन ही आजच्या काळास बहुतांश लोकांची समस्या आहे. बैठी जीवनशैली आणि फास्टफूड-जंकफूडमुळे अनेकांना वजन वाढण्याच्या समस्येला तोंड द्यावे लागते आहे यामुळे अनेक आरोग्य समस्या होण्याचा धोका वाढतो. अनेकदा लोक वजन कमी करण्याचा अटोकाट प्रयत्न करतात पण वजन कमी करते वाटते तितके सोपे काम नाही. अशाच एका फिटनेस इन्फ्ल्युएन्सर रिद्धी शर्माने सिद्ध केले की,” दोन आठवडे वर्क आऊट करून, २ महिने डायटिंग करून वजन कमी होत नाही. वजन कमी करण्याचा अर्थ कठोर डाएट घेणे किंवा तासन् तास व्यायाम करणे असा होत नाही. रोजच्या दिनचर्येत छोटे छोटे पण सातत्यपूर्ण बदल करून तिने २३ किलो वजन यशस्वीरित्या कमी केले. त्यासाठी उपाशी न राहता फॅट्स कमी करण्यासाठी तिने सोपे उपाय वापरले.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

वजन कमी करण्यासाठी कठोर डेडलाइन ठरवणे थांबवा

बरेच लोक जलद निकालांची अपेक्षा करून त्यांचा फिटनेस प्रवास सुरू करतात, परंतु रिद्धी वजन कमी करण्यासाठी कठोर डेडलाइन ठरवणे टाळण्यास सांगते. तिचा असा विश्वास आहे की सातत्य हे फॅट्स कमी करण्याची गुरुकिल्ली आहे. काही आठवड्यांत मोठे बदल अपेक्षित करण्याऐवजी, तिने दीर्घकाळ टिकतील अशा सवयी लावण्यावर लक्ष केंद्रित करा.

“तुम्हाला खरोखर वाटते का की दोन आठवडे कसरत करून आणि दोन महिने डाएटिंग केल्याने तुम्हाला तुमचे हवे तसे शरीर मिळेल? सर्वकाही सावकाश होऊ द्या, हळू हळू दिर्घकाळ टिकून राहणाऱ्या सवयी लावा आणि जलद उपायांच्या मागे धावणे बंद करा.

हेही वाचा

‘आळशी’ फिटनेस उत्साही व्यक्तींसाठी वर्कआउट टिप्स

ज्यांना सक्रिय राहण्यासाठी संघर्ष करावा लागतो त्यांच्यासाठी रिद्धी लहान सवयींपासून सुरुवात करण्याचा सल्ला देते. सक्रिय राहण्याचा एक सोपा आणि प्रभावी मार्ग म्हणून ती दररोज ७,००० ते १०,००० पावले चालण्याची शिफारस करते. जर तुम्ही घरून काम करत असाल तर ती तुमच्या दिनचर्येत हालचालींचा समावेश करण्याचा सल्ला देते:

तुमच्या फोनवर स्क्रोल करण्याऐवजी चालण्याचा ब्रेक घ्या.

जर तुम्ही एखाद्या बराच काळ मिटिंगमध्ये असाल जिथे तुमचे योगदान आवश्यक नसेल, तर मिटिंग ऐकताना चालत राहा.

कॉलवर बोलताना चालण्यास सुरुवात करा.

ज्यांना स्ट्रक्चर्ड वर्कआउट आवडत नाहीत, त्यांना ती इअरफोन्स लावण्याचा, तुमचे आवडते संगीत वाजवण्याचा आणि फक्त हालचाल करण्याचा सल्ला देते. नाच असो किंवा फक्त फिरणे असो, हालचाल ही हालचाल असते!

हेही वाचा

उपाशी न राहता योग्य आहार कसा घ्यावा (How to Eat Right Without Starving)

वजन कमी करण्यातील सर्वात मोठ्या संघर्षांपैकी एक म्हणजे भूक नियंत्रित करणे. जास्तीचे निर्बंध लावण्याऐवजी रिधी ८०/२० नियम पाळते:

•८०% संपूर्ण अन्न: भरपूर प्रथिने, फायबर आणि निरोगी फॅट्स असलेले पौष्टिक, संतुलित जेवण.

•२०% पदार्थ: जास्त प्रमाणात खाणे टाळण्यासाठी कमी प्रमाणात आवडत्या पदार्थांचा आनंद घेणे.

जेवणाचे नियोजन सोपे करण्यासाठी, तिने ५-८ जेवण निवडले जे तयार करणे सोपे आहे आणि तिच्या दिनचर्येत बसते.

रिधीचा फॅट्स कमी करणारा जेवणाचा आराखडा

तिच्या आवडत्या जेवणांपैकी काही पदार्थांची माहिती येथे आहे:

नाश्ता:

•दिवसाची जलद आणि सोपी सुरुवात करण्यासाठी प्रोटीन शेक घ्या.

दुपारचे जेवण:

•प्रथिने (काकडी, टोमॅटो, पनीर) आणि ग्रीक दही रायता असलेले सॅलड खा

•उच्च-प्रथिने, कमी-कार्ब पर्यायासाठी पनीरसह बेसन (चणा) चिल्ला खाऊ शकता

•ग्रीक दह्यासह ओट्स उत्तपम खाऊ शकता.

•बेसन पोळीसह पनीर भाजी खा.

•बेसन पोळीसह चना किंवा छोले भाजी आणि ग्रीक दही रायता खा.

रात्रीचे जेवण:

संतुलित जेवणासाठी तळलेल्या भाज्या, क्विनोआ आणि पनीर खा

निरोगी पर्याय म्हणून कमी प्रमाणात तेलात सहसा मध्यम-उच्च आचेवर, सतत हलवत क्विनोआ आणि पनीर भाजी बनवा.

•पौष्टिकने समृद्ध पण निरोगी पर्याय म्हणून अ‍ॅव्होकॅडो टोस्ट किंवा सँडविच खा.

•चवदार पण निरोगी पदार्थासाठी चना ग्रीक दही पापडी चाट खाऊ शकता.

वजन कमी करण्याचा रिद्धी शर्माचा दृष्टिकोन अतिरेकी आहार किंवा तीव्र व्यायाम नाही तर जीवनीशैलीत छोटे बदल करणे आणि त्यात सातत्य, संतुलन राखणे आहे ज्यामुळे फिटनसे राखण्याचा आनंद घेता योतो. छोटे छोटे बदल करून, तिने २३ किलो वजन कमी केले आणि एक अशी जीवनशैली तयार केली जी ती कायम टिकून राहील.

वजन कमी करण्याचा प्रवास सुरू करणाऱ्या प्रत्येकासाठी तिचा सल्ला? ‘ Ditch the all-or-nothing’ ही मानसिकता सोडून द्या, जलद परिणाम मिळवण्यासाठी घाई करणे थांबवा आणि आयुष्यभर तुम्ही जपू शकता अशा सवयींवर लक्ष केंद्रित करा.