घटस्फोटामागील सामान्य कारणे कोणती? कोणत्या कारणांमुळे होऊ शकतो घटस्फोट? वाचा, तज्ज्ञ काय सांगतात

लग्न हा प्रत्येकाच्या आयुष्यातील महत्त्वाचा टप्पा आहे. लग्नानंतर दोन व्यक्ती एका नव्या आयुष्याची सुरुवात करतात. नवरा-बायकोचे नाते जपताना अनेक गोष्टींचा विचार केला जातो. अशावेळी दोन्ही बाजूने नातं जपण्याची ओढ कायम असणे खूप गरजेचे असते.

आणखी वाचा

पिंपरी : आधी मतदानाची शपथ… नंतर विवाह सोहळा…

२१ नोव्हेंबर पंचांग: वर्षातील शेवटचा गुरुपुष्यामृत योग कोणत्या…

अल्पवयीन पत्नीसोबत सहमतीतून शारीरिक संबंध बलात्कारच, उच्च न्यायालय म्हणाले, ‘पीडितेच्या इच्छेविरोधात…’

“लग्नसंस्था आता आपण समाजानेचं मोडीत काढल्यात…”, घटस्फोटाबाबत बोलताना विशाखा सुभेदारचं वक्तव्य, म्हणाली…

भगरे गुरुजींचा मुलगा लवकरच अडकणार लग्नबंधनात; लेकीने लग्नघराचा व्हिडीओ केला शेअर

पत्नीची अनेकदा फसवणूक केली, अभिनेत्याचा स्वतःच्या विवाहबाह्य संबंधांबद्दल खुलासा; घटस्फोट घेतल्यावर सहा वर्षांनी पुन्हा तिच्याशीच केलं लग्न

“पत्नीने मला एकदा रंगेहात पकडलं होतं…”, शत्रुघ्न सिन्हांनी स्वतःच केलेला खुलासा, म्हणाले होते…

१४ वर्षांचा संसार मोडण्याचं कारण काय? पहिल्यांदाच बोलली ‘खल्लास गर्ल’; म्हणाली, “त्याने अत्यंत बेजबाबदारपणे…”

डॉ. चांदनी तुगनैत सांगतात, “प्रत्येक विवाह हा अनोखा असतो आणि प्रत्येक घटस्फोटामागील कारणही वेगळं असतं. लग्न करताना कुणीही घटस्फोटाचा विचार करत नाही, तरीसुद्धा दरवर्षी हजारो लोकं घटस्फोटाला सामोरे जातात.”

हेही वाचा : पोटावरील अतिरिक्त चरबी कमी करायची? हे तीन व्यायाम प्रकार जाणून घ्या, पाहा VIDEO

डॉ. चांदनी तुगनैत यांनी घटस्फोटामागील खालील कारणे सांगितली आहेत.

संवाद संपणे

संवादाची कमतरता हे घटस्फोटाचे सामान्य कारण आहे. जर तुम्ही जोडीदाराबरोबर संवाद साधणे बंद केले तर तुम्ही एकमेकांशी जुळून राहू शकत नाही. एकमेकांना समजून घेण्यासाठी संवाद खूप जास्त आवश्यक आहे.

विश्वासघात

कोणत्याही नात्यात विश्वास आणि प्रामाणिकपणा असणे खूप जास्त गरजेचे आहे. जोडीदार तुमची फसवणूक करत असेल तर नातं तुटण्याच्या मार्गावर येऊ शकते. कोणत्याही व्यक्तीला प्रामाणिक आणि विश्वासू जोडीदार पाहिजे असतो.

आर्थिक अडचणी

अनेकदा पैशांच्या कमतरतेमुळे मनाप्रमाणे सर्व गरजा पूर्ण होत नाही आणि यामुळेसुद्धा घटस्फोट होऊ शकतो. घरात जर आर्थिक तणाव असेल तर त्याचा थेट परिणाम नात्यावर होतो. जर तुमची आर्थिक स्थिती चांगली नसेल तर अनेकदा कुटुंब चालवणे कठीण जाते. अशावेळी जोडीदार वैतागून सोडून जाऊ शकतो.

हेही वाचा : Prostate Cancer : पुरुषांना होणारा प्रोस्टेट कर्करोग कसा ओळखावा? जाणून घ्या, काय आहेत लक्षणे…

प्रेम

नात्यात एकमेकांविषयी काळजी, प्रेम आणि जिव्हाळा असणे आवश्यक आहे. जर असे नसेल तर नाते घटस्फोटाच्या दिशेने जाऊ शकते. कोणत्याही नात्यात पती-पत्नीचे संबंध दृढ असणे खूप जास्त गरजेचे असते.

घरगुती हिंसाचार

घरगुती हिंसाचार हे घटस्फोटाचे सर्वात मोठे कारण आहे. भारतात आजही लग्नानंतर घरगुती हिंसाचाराला बळी पडलेल्या महिलांच्या अनेक घटना समोर येतात. जोडीदार जर सतत मारहाण किंवा शिवीगाळ करत असेल तर अशा वेळी स्वत:ला सुरक्षित ठेवण्यासाठी घटस्फोटाकडे वळतात.

डॉ. चांदनी तुगनैत सांगतात, “घटस्फोटामागे अनेक कारणे आहेत, त्यापैकी ही खूप सामान्य कारणे आहेत. जर तुम्ही तुमच्या वैवाहिक आयुष्यात अनेक अडचणींचा सामना करत असाल तर तुम्ही तज्ज्ञांशी संपर्क साधावा आणि समस्या सोडवण्याचा प्रयत्न करावा, यामुळे तुमचे नाते वेळेत सुधारू शकते.”