शाओमी कंपनीचा स्वस्त आणि मस्त फोन म्हणून ओळख असलेल्या Redmi 6A या स्मार्टफोनचा आज सेल आयोजित करण्यात आला आहे. शाओमीचं अधिकृत संकेतस्थळ http://www.mi.com वर दुपारी 12 वाजेपासून हा सेल सुरू होत आहे.
रिलायन्स जिओच्या युजर्सना या फोनवर २२०० रुपयांची कॅशबॅक ऑफर मिळणार आहे. हे कॅशबॅक रिचार्ज व्हाऊचरच्या स्वरुपात मिळणार आहे. याबरोबरच १०० जीबी ४G जास्तीचा डेटाही मिळणार आहे. याशिवाय ३ महिन्यांसाठी हंगामा म्युझिकचे मोफत सबस्क्रीप्शन मिळणार आहे. याशिवाय आपला जुना फोन देऊन हा फोन खरेदी करण्याची सुविधाही आहे. यामध्ये कोणत्या मॉडेलवर किती डिस्काऊंट मिळेल याची माहिती साईटवर देण्यात आली आहे. विशेष म्हणजे Ixigo travel कडून या फोनवर 3 हजार 500 रुपयांचे कुपन दिले जात आहेत. तसंच, जुना फोन देऊन हा फोन खरेदी करण्याची सुविधाही आहे. यामध्ये कोणत्या मॉडेलवर किती डिस्काऊंट मिळेल याची माहिती संकेतस्थळावर देण्यात आली आहे.
Redmi 6A च्या 16 जीबी मेमरी असलेल्या फोनची किंमत 5,999 रुपये आहे, तर 32 जीबी स्टोरेज असलेल्या व्हेरिअंटची किंमत 6,999 रुपये आहे. दोन्ही व्हेरिअंट्समध्ये 2 जीबी रॅम असून मायक्रोएसडी कार्डद्वारे स्टोरेज 256 जीबीपर्यंत वाढवता येईल. आजच्या सेलमध्ये जिओ ग्राहकांना या स्मार्टफोनच्या खरेदीवर 2,200 रुपये कॅशबॅक आणि 100 जीबी जादा डेटा मोफत मिळेल. या स्मार्टफोनमध्ये 5.45 इंच एचडी+ (720×1440 पिक्सल) डिस्प्ले आहे. फोनमध्ये मीडियाटेक हीलियो ए22 प्रोसेसर आणि 2 जीबी रॅम आहे. 13 मेगापिक्सल सिंगल रियर कॅमेरा आणि 5 मेगापिक्सल सेल्फी कॅमेरा आहे. कनेक्टिव्हिटीसाठी 4जी VoLTE, ब्लूटूथ 4.2, वाय-फाय 802.11 बी/जी/एन, जीपीएस/ए-जीपीएस, मायक्रो-यूएसबी आणि 3.5 एमएम हेडफोन जॅक यांसारखे पर्याय आहेत. रेडमी 6ए मध्ये एक्सीलेरोमीटर, एम्बियंट लाइट सेंसर, इलेक्ट्रॉनिक कंपास आणि प्रॉक्सिमिटी सेंसर आहेत. 3000 एमएएच बॅटरी असून रेडमी 6ए ब्लॅक, गोल्ड, रोज गोल्ड आणि ब्लू कलरमध्ये उपलब्ध आहे.
