योग, ध्यान संशोधनासाठी सरकारकडे ६०० प्रस्ताव

विज्ञान व तंत्रज्ञान खात्यातील तज्ज्ञांची छाननी; संशोधनासाठी निधी
‘सायन्स अँड टेक्नॉलॉजी ऑफ योगा अँड मेडिटेशन’ (सत्यम) प्रकल्पांतर्गत केंद्र सरकारकडे शास्त्रज्ञ आणि अभ्यासकांकडून ६०० संशोधन प्रस्ताव आले आहेत. विज्ञान आणि तंत्रज्ञान खात्याने स्थापन केलेली तज्ज्ञांची समिती त्यांची छाननी करत असून त्यातून २० ते २५ उत्कृष्ट प्रस्ताव निवडले जातील आणि त्यांना संशोधनासाठी खात्याकडून निधी उपलब्ध करून दिला जाईल, असे या खात्याचे सचिव आशुतोष शर्मा यांनी सांगितले.
राष्ट्रीय आयुर्विज्ञान संस्था (एम्स), नॅशनल इन्स्टिटय़ूट ऑफ मेंटल सायन्सेस अँड न्यूरोसायन्सेस अशा नामांकित संस्थांचा अर्जामध्ये समावेश असून निवड झालेल्या प्रत्येक प्रस्तावासाठी २० कोटी रुपये संशोधनवृत्ती देण्यात येईल. विज्ञान आणि तंत्रज्ञान खात्याने गतवर्षी यासंबंधी योजना तयार करून प्रस्ताव मागवले होते. त्यात अर्ज करणाऱ्यांना योग आणि ध्यानधारणेतील संशोधनाचा पूर्वानुभव असणे आवश्यक आहे. योगा आणि ध्यानधारणेचा शारीरिक आणि मानसिक आरोग्य, शरीर, मन, मेंदू यांवर नेमका काय व कसा परिणाम होतो हो तपासणे या कार्यक्रमाचे मुख्य उद्दिष्ट आहे.

(टीप : ‘आरोग्यवार्ता’मधील बातम्या या जगभरातील संशोधकांनी केलेल्या वैद्यकीय संशोधनावर आधारित असतात. त्यामुळे त्यातील मतांशी ‘लोकसत्ता’चा संबंध नाही. कोणताही वैद्यकीय उपचार करण्यापूर्वी आरोग्यतज्ज्ञांशी व डॉक्टरांशी सल्लामसलत करणे आवश्यक आहे.)

आणखी वाचा

आरटीईच्या प्रवेशांसाठीच्या नियमांमध्ये होणार बदल… शिक्षण विभागाकडून समितीची स्थापना

Economic Survey: आर्थिक सर्वेक्षण अहवाल सांगतोय २०२५ हे…

स्पा, मसाज सेंटरमधील कामकाजाचे नियमन होणार, राज्य सरकारची उच्च न्यायालयात माहिती

मुख्यमंत्री सहाय्यता निधी कक्षातून मदत मिळविण्याची प्रक्रिया होणार पेपरलेस!

वृद्धापकाळातील आरोग्य सेवा गतिमान करणार! वर्षभरात साडेदहा लाख वृद्धांवर उपचार…

स्तन व गर्भाशयमुख कर्करोग निदानासाठी तपासणी मोहीम राबवा – आरोग्यमंत्री

सीईटीसाठी राज्यभरातून ३ लाख ८० हजार विद्यार्थ्यांचे अर्ज, एमबीए, एमएमएस आणि बी.एड अभ्यासक्रमांना विद्यार्थ्यांचा प्रतिसाद

नाशिक : अभाविपचे आरोग्य विद्यापीठात आंदोलन, शिक्षण मंत्र्यांसह कुलगुरुंकडून दखल