आयुर्मात्रा : आमसूल

आंबट रसाची पूर्तता व उत्तम पाचक म्हणून आपल्याकडे कोकमाचा वापर रोज करतात.

• कोकमाच्या फळावरच्या सालीला आमसूल म्हणतात. रोजच्या जेवणात सहाही रस योग्य प्रमाणात पोटात जाणे आवश्यक असते. आंबट रसाची पूर्तता व उत्तम पाचक म्हणून आपल्याकडे कोकमाचा वापर रोज करतात.
• पोटात मुरडून, कुंथून पांढरी किंवा रक्ती आंव थोडय़ाशा मळाबरोबर वारंवार पडते, यामध्ये तहान, थकवाही वाढतो. यात कोकमाच्या बियांपासून तयार केलेले कोकम तेल उत्कृष्ट काम करते.
• या शरद ऋतूत होणाऱ्या पित्त प्रकोपात अंगावर पुरळ उठणे, त्याला फार खाज सुटणे, त्वचा लाल व गरम होणे असा ‘शीतपित्त’ विकार बळावतो. यात आमसूल पाण्यात कुस्करून त्यात कापूर व मिरपूड घालून त्वचेवर चोळावे किंवा आमसुले तासभर पाण्यात भिजवून त्या पाण्यात साखर-मीठ घालून प्यावे.
• जखमा भरणे, खाज कमी करणे या गुणांमुळे अनेक मलमांमध्ये आमसुलाच्या बियांचे तेल वापरतात.
• उष्णता कमी करणे, अशक्तपणा, मानसिक ताण, संध्याकाळपर्यंत येणारा थकवा कमी करण्यासाठी सोडायुक्त शीतपेयांपेक्षा कोकम सरबत प्यावे.