कलाजाणीव

ज्या गोलाकार धातूरचनेचा वापर करीत ही कलाकृती साकारली आहे ती घन, द्रव आणि वायू या जीवाजन्मासाठी आवश्यक असलेल्या घटकांचा संकेत म्हणून येते. त्या धातूरचनेत आपले स्वत:चे प्रतिबिंबही पाहता येते. तेच इथे कलावंताला अपेक्षित आहे. तो या कलाकृतीचा एक भाग म्हणून रसिकांनाही सहभागी करून घेतानाच अंतर्मुख करतो. मुंबईतील सर ज. जी. कलामहाविद्यालयातून शिल्पकलेचे शिक्षण घेतल्यानंतर वलयने देश—विदेशातील प्रदर्शनांमध्ये अनेक भराऱ्या घेतल्या. झुरिक, लंडन, ऑस्लो, रोम आदी ठिकाणी त्याच्या कलाकृती प्रदर्शित झाल्या असून त्याचे कौतुकही झाले आहे.
वलय शेंडे