कथित गोरक्षकांच्या भूमिकेवर पंतप्रधान नरेंद्र मोदी यांनी ओढलेल्या आसूडामुळे वादळ उठले असतानाच गोशाळांच्या नावाखाली जोपासली जाणारी व्यापारी वृत्तीही ऐरणीवर आली आहे. काही मोजक्या गोशाळांचा अपवाद वगळल्यास खासगी स्वरूपातील अनेक गोशाळांनी समाजसेवेच्या नावाखाली व्यवसाय सुरू केल्याचे आढळून येत आहे. पूर्णपणे खासगी स्वरूपाच्या काही गोशाळांचे स्वरूप इतके बंदिस्त असते की आत प्रवेश करणेही मुश्कील व्हावे. गोशाळा म्हणजे नेमके काय, किती गाईंचा सांभाळ केला म्हणजे त्यास गोशाळा म्हणता येईल, अशी कोणतीही व्याख्या नसल्याने काही मंडळे किंवा धार्मिक संस्थांनी त्यांच्या कामापुरत्या १० ते २० गाईंचा सांभाळ करत गोशाळेचा टिळा लावला आहे. परंतु, त्याच वेळी काही गोशाळा गोसंवर्धन आणि संगोपनासाठी प्रामाणिकपणे प्रयत्न करत असून व्यापारीकरणाचा अतिरेक करणाऱ्या गोशाळांमध्ये प्रामाणिक गोशाळांचीही फरफट होत असल्याचे चित्र नाशिकसह उत्तर महाराष्ट्रात दिसून येत आहे. उत्तर महाराष्ट्रात गोशाळांची संख्या शंभरच्या आसपास आहे.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
