एलजी जीथ्री मालिकेतील या स्मार्टफोनचे सर्वात महत्त्वाचे वैशिष्टय़ म्हणजे यामध्ये असलेला ५.५ इंच आकाराचा डिस्प्ले हा क्वाड एचडी डिस्प्ले या प्रकारात मोडणारा आहे. फूल एचडी डिस्प्लेच्या अडीच पट त्यामुळे प्रतिमेची सुस्पष्टता केवळ वाखाणण्याजोगीच आहे. याशिवाय एरवी डिजिटल कॅमेऱ्याला लेझर ऑटोफोकसची सोय असते, त्याचप्रमाणे एलजीने प्रथमच स्मार्टफोनलाही लेझर ऑटो फोकसची सोय करून दिली आहे. त्यामुळे फोटोग्राफीमधील चित्रणही अधिक सुस्पष्ट झाले आहे. आणि परिणामी कॅमेरा आणि स्मार्टफोन यामधील अंतरही कमी झाले आहे. या फोनचे मेटॅलिक डिझाईनही चांगल्या प्रकारचे आहे. दिसायला आकर्षक आणि वापरायलाही सोयीचे. याची बॅटरी तब्बल ३००० एमएएच क्षमतेची असून त्यामुळे ती दीर्घकाळ चालते. यातील इंटर्नल मेमरी स्टोरेज तब्बल १६ जीबी व ३२ जीबी एवढी देण्यात आली असून एक्स्पांडेबल मेमरी तब्बल १२८ जीबीपर्यंत वाढविता येईल. भरपूर क्षमता असलेला असा हा नेक्स्ट जनरेशन स्मार्टफोन आहे.
भारतीय बाजारपेठेतील किंमत : रु. ४७,९९० (१६ जीबी) रु. ५०,९९० (३२ जीबी)
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
