हनिमूनला कुठे जायचं हा प्रश्न पडलाय..? थायलंड..? का नको..? खूपजण तिकडे फिरायला जातात म्हणून..? डोन्ट वरी.. सगळेजण पन्नाससाठच्या ग्रुपने कुठे जातात ते माहितीये ना आपल्याला..? मग त्या ठिकाणांकडे आपण फिरकायचंच नाही ना.. त्याशिवायसुद्धा मोप ठिकाणं आहेत थायलंडमध्ये. हो.. हो.. अगदी फक्त जोडीनं बघता येतील अशीच. तुम्हाला कोणती ठिकाणं सांगितली आहेत तिकडे जाऊन आलेल्यांनी..? बँकॉक, पट्टाया..? ओक्के.. सूरत थानी हे नाव सांगितलंय कधी कुणी? नाही ना? थायलंडच्या दक्षिणेला आहे ते. थायी भाषेय सूरत थानी म्हणजे चांगल्या लोकांचं शहर. पण त्याचा अर्थ थायलंडमधला ग्रामीण भाग असाही होतो. तर या सूरत थानीच्या जवळच आहे, कोह सामुई आणि कोह फंगन. यातलं कोह सामुई तर हनिमूनसाठी एकदम बेश्ट. तिथले रुपेरी बीच. तिथलं समुद्राचं निळंशार पाणी. सुंदर रेस्तरामध्ये कँडल लाइट डिनर. तिथली सुंदर जंगलं, दऱ्याखोरं.. आहाहा. सुरत थानीमध्ये वेळ न घालवता लगेचच कोह सामुईला चला. खिशाचा विचारच करू नका. इथं प्रत्येकाच्या खिशाला परवडतील अशी हॉटेल्स आहेत. कोह सामुईचे बीच एकदम फेमस आहेत. चेवांग बीचवर कायमच पार्टी सुरू आहे असं वातावरण असतं तर बाकीचे बीच निवांत असतात. चावेंग बीच आणि लामाई बीचच्या मधल्या धबधब्याच्या ठिकाणी तुम्ही एखादी संध्याकाळ अविस्मरणीय करू शकता. कोह सामुईमध्ये तुम्ही स्कूटर भाडय़ाने घेऊन फिरूसुद्धा शकता. प्रेमाच्या गुलुगुलु गप्पांमध्ये तुम्हाला थ्रीलही आणायचं असेल तर तुम्हाला इथे डायिव्हग आणि स्नॉर्किलगही करता येईल. थायी जेवणाबरोबरच तुम्हाला इथे भारतीय, युरोपीयन असं कोणत्याही प्रकारचं जेवण मिळू शकतं. त्यामुळे त्याची चिंताच सोडा. जाता जाता शॉिपग करायचं तर तुम्ही बोफूत, नाथॉन, लमाई बीचवर गेलंच पाहिजे. इथली हवा नेहमीच छान असते, पण तरीही इथे येण्यासाठी उत्तम मोसम एप्रिल ते नोव्हेंबर हाच.
हनिमून स्पेशल : लय भारी थायलंड
मोप ठिकाणं आहेत थायलंडमध्ये. हो.. हो.. अगदी फक्त जोडीनं बघता येतील अशीच.
या बातमीसह सर्व प्रीमियम कंटेंट वाचण्यासाठी साइन-इन करा
या बातमीसह सर्व प्रीमियम कंटेंट वाचण्यासाठी साइन-इन करा
Already have an account? Sign in
First published on: 18-03-2016 at 01:28 IST
मराठीतील सर्व विशेष लोकप्रभा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Honeymoon special thailand
