पूजा बवले
विजय नाईक यांचे ‘शी जिनपिंग यांचा विस्तारवादी चीन आणि भारत… चढती कमान – वाढते तणाव’ हे पुस्तक अलीकडेच प्रकाशित झाले आहे. भारताचा छिद्रान्वेषी शेजारी. सारा आशिया खंड चीनमुळे स्थिर-अस्थिर असतो. करोनाकाळ सुरू असताना भारतीय सीमेत घुसखोरी करून चीनने साऱ्या जगाला बेभरवसा व गाफिलपणाची समज दिली. राष्ट्राध्यक्ष क्षी जिनपिंग यांच्या एकछत्री अमलामुळे चीन कम्युनिस्ट पक्षाने त्यांच्या देशाबाहेरदेखील अन्य छोट्या देशांमध्ये (विशेषत: आफ्रिकन) हस्तक्षेप करण्यास नव्याने सुरुवात केली. अशावेळी चिनी ड्रॅगनला समजून घेण्याची नितांत गरज होती. ही गरज हे पुस्तक भरून काढते. २०१६ साली चीनमध्ये भारतीय प्रसारमाध्यमांचे सात प्रतिनिधी होते. आज एकाही भारतीय प्रसारमाध्यमाचा एकही प्रतिनिधी चीनमध्ये नाही. त्यामुळे सत्तर-ऐंशीच्या दशकाप्रमाणे आताही पाश्चिमात्य प्रसारमाध्यमे वाचूनच भारतीयांनादेखील आपले मत बनवावे लागेल.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
