ते छायाचित्र आल्फोन्स दोदे यांचे!

ग्रेसांचा नवा अर्थ
‘लोकरंग’मधील ‘ग्रेसांचा रॅम्प’ हा आशुतोष जावडेकर यांचा लेख वाचला. प्रत्येक विषय घेताना ते जो वेगळा दृष्टिकोन लावता ते फार आवडते. आपलेच घर अगदी वेगळ्या कोनातून पाहिले की जसे वेगळे भासते तसे वाटते. मी नागपूरकर असल्याने या लेखाविषयी जास्तच आपलेपणा वाटला. ग्रेसांकडे मी व माझे पती नेहमी जात येत असू. त्यांच्या वक्तृत्वाचा धबधबा आम्ही अनुभवलेला आहे. ‘वरून आदेश आल्याशिवाय मी लिहीत नाही,’ असे ते नेहमी म्हणत.
या लेखात कंगनाच्या रँपवॉकशी त्यांच्या कवितेचं जुळविलेलं नातं विलक्षणच आहे. जुन्या पारंपरिकतेला ते कदाचित थिल्लर वाटेल, मला मात्र ते फारच आधुनिक वाटतेय. हा नव्या-जुन्याचा समन्वय लेखकाने फारच छान साधला आहे.
– माधुरी कानेटकर