आपचे राज्यातील सर्व उमेदवार घोषित

आम आदमी पक्षाने येत्या लोकसभा निवडणुकीसाठीच्या अकराव्या यादीत महाराष्ट्रातील दिंडोरी व नंदुरबार मतदारसंघांतील उमेदवारांची नावे आज जाहीर केली. राज्यातील सर्व ४८ जागा लढवणार असल्याचे स्पष्ट झाले आहे. दिंडोरीत ज्ञानेश्वर दामू माळी तर नंदुरबारहून वीरेंद्र वळवी यांना उमेदवारी मिळाली आहे. ईशान्य मुंबई मतदारसंघातून मेधा पाटकर, बारामतीतून सुरेश खोपडे, हातकणंगले रघुनाथदादा पाटील, चंद्रपूरमधून वामनराव चटप, नाशिकमधून विजय पांढरे, बीडमधून नंदू माधव, अहमदनगरमधून दीपाली सय्यद, धुळ्यातून निहाल अहमद, नागपुरातून अंजली दमानिया हे उल्लेखनीय उमेदवार आहेत.