दहशतवादाविरोधात भाजपचे धोरण धरसोड वृत्तीचे

दहतशवादाविरोधात यूपीए सरकार कठोर पावले उचलत नाहीत, अशी टीका वारंवार करणाऱ्या भाजपच्या सरकारचेही दहशतवादाविरोधातील धोरण धरसोड वृत्तीचेच आहे, अशी टीका काँग्रेसने गुरुवारी केली. ‘जमात-उद-दावा’ या दहशतवादी संघटनेला रोखण्यासाठी अमेरिकेने सुरू केलेल्या कारवाईचेही काँग्रेसने स्वागत केले.
अमेरिका दहतशवादाविरोधात कारवाई करत असेल तर त्या भूमिकेला सामंजस्याने आणि सामूहिकतेने पाठिंबा देण्याची गरज आहे. अमेरिकेने ‘जमात-उद-दावा’वर कारवाई करण्यासाठी पावले उचलली. मात्र केंद्र सरकारने अशा प्रकारची कोणतीही पावले उचचली नाही, अशी टीका काँग्रेसचे नेते मनिष तिवारी यांनी केली.