माझ्या मुलासाठी तिकीट हवे

एन. डी. तिवारी हे आपले वडील असल्याचा दावा रोहित शेखर याने केला होता. मात्र तिवारी यांनी हा दावा फेटाळला होता. त्यामुळे हे प्रकरण न्यायालयात गेले होते. गेली सहा वर्षे न्यायालयीन लढाई लढल्यानंतर ३ मार्च रोजी रोहित शेखर हा आपला मुलगा असल्याचे तिवारी यांनी कबूल केले. तसेच पत्रकार परिषदेत रोहित हा आपलाच मुलगा असून तो आपला राजकीय वारसदार असल्याचेही त्यांनी जाहीर केले होते. त्यानुसार तिवारी यांनी मुलाला राजकारणात सक्रिय करण्याचा निर्णय घेतला असून त्याला नैनिताल येथून उमेदवारी मिळावी यासाठी सोनिया गांधींना विनंती करणार आहेत.