मनसेच्या प्रभावाची चिंता नाही

गेल्या लोकसभा निवडणुकीत महाराष्ट्र नवनिर्माण सेनेने मिळविलेल्या मतांमुळे शिवसेना-भाजपला मुंबईतील सहाही जागी पराभव पत्करावा लागला होता. आता मनसेच्या प्रभावाची चिंता करण्याचे आम्हाला काहीही कारण नाही. महायुती ही मनसेपेक्षा कितीतरी प्रभावशाली असून आम्ही मुंबईमधील लोकसभेच्या सहाही जागाजिंकू असा विश्वास भाजप मुंबईचे अध्यक्ष आमदार आशीष शेलार यांनी व्यक्त केला. त्याचप्रमाणे भाजपचे केंद्रीय नेते राजीव प्रताप रुडी यांनी स्पष्ट केल्याप्रमाणे राज ठाकरे यांनी मोदी यांना पंतप्रधानपदासाठी पाठिंबा देऊ केला तरी तो घेतला जाणार नाही, अशी रोखठोक भूमिका शेलार यांनी मांडली.