निवडणूक काळातील कामकाजासाठी शासकीय अधिकाऱ्यांना एक महिन्याचे वेतन मिळत असले तरी या शासकीय अधिकाऱ्यांबरोबर सुरुवातीपासून बंदोबस्ताच्या कामी असणाऱ्या पोलिसांना मात्र मतदानाच्या काळातील एक दिवसांचा किरकोळ भत्ता दिला जातो. त्यानुसार शिपायांना जेमतेम दीडशे ते दोनशे रुपये तर अधिकाऱ्यांच्या पदरी फक्त तीनशे ते चारशे रुपये पदरी पडतात. त्यातही फक्त मतदान केंद्रावर असणाऱ्या पोलिसांचाच विचार केला जातो. बंदोबस्तावर असलेल्या पोलिसांच्या पदरी काहीही पडत नाही. इतर अधिकाऱ्यांप्रमाणे पोलीसही महिन्याभरापासून निवडणुकीच्या काळात व्यस्त असतात. त्यामुळे त्यांनाही महिन्याभराचे वेतन मिळावे, असा प्रस्ताव महासंचालकखात्याने पाठविल्याचे कळते.
निवडणुकीच्या कामाला जुंपलेल्या महसूल खात्यातील अधिकाऱ्यांना तसेच कर्मचाऱ्यांना एक महिन्याचे वेतन भत्ता म्हणून मिळते. ही रक्कम हजारोंच्या घरात जाते. मात्र त्याचवेळी निवडणुकीच्या काळात बंदोबस्त करणाऱ्या पोलिसांना फक्त मतदानाच्या दिवशी होणाऱ्या बंदोबस्ताचाच भत्ता दिला जातो. पूर्वी तो खूपच किरकोळ होता. शिपायांना ८० रुपये तर अधिकाऱ्यांना ३०० रुपये मिळत होते. त्यात आता वाढ झाली असली तरी ती खूपच कमी आहे. रोजच्या कामकाजाव्यतिरिक्त पोलिसांना बंदोबस्ताची डय़ुटी करावी लागते. उमेदवारांचा प्रचार, पदयात्रा, प्रचार फेरी तसेच मतदान केंद्राची सुरक्षा आदी विविध कामासाठी पोलिसांचाही साधारणत: महिन्याभरापासून वापर केला जातो. अशावेळी पोलिसांना महिन्याचे वेतन मिळावे, यासाठी आता महासंचालक कार्यालयाने पुढाकार घेतला आहे.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
