लोकसभेच्या अध्यक्षपदी ‘कोकणकन्या’ सुमित्रा महाजन

कोण आहेत सुमित्रा महाजन
मध्य प्रदेशातल्या इंदूरमधून त्या तब्बल आठ वेळा लोकसभेवर निवडून आल्या असल्या तरी सुमित्रा महाजन या मुळच्या चिपळूणच्या आहेत. चिपळून ही त्यांची जन्मभूमी आणि इंदोर त्यांची कर्मभूमी आहे. १९८९ पासून सुमित्रा महाजन खासदार म्हणून लोकसभेवर निवडून येत आहेत. माजी पंतप्रधान अटल बिहारी वाजपेयी यांच्या मंत्रिमंडाळातही महाजन यांनी काम केलं आहे. गणेश मावळकर, शिवराज पाटील, मनोहर जोशी यांच्यानंतर सुमित्रा महाजन यांच्या रूपाने पुन्हा एकदा मराठी माणसाला हा सन्मान मिळाला आहे.

थंबिदुराई उपसभापती?
अण्णा द्रमुकचे सदस्य एम. थंबिदुराई यांच्या नावाचा लोकसभेच्या उपसभापती पदासाठी विचार होऊ शकतो. जयललिता यांनी नुकतीच पंतप्रधानांची भेट घेतली, त्या वेळी या संदर्भात चर्चा झाल्याचे समजते. १९८५ ते १९८९ या काळात थंबिदुराई लोकसभेचे उपसभापती होते.