राज्यातील दांडिया आयोजकांना सरकारकडून महत्त्वाचे निर्देश, जिल्हाधिकाऱ्यांनाही सूचना

राज्यात गणेशोत्सवाची धामधूम संपली असून नवरात्रोत्सवाच्या तयारीला सुरुवात झाली आहे. गणेशोत्सवाच्या काळात अनेक दुर्घटना घडल्या. या दुर्घटना नवरात्रोत्सवात घडू नयेत म्हणून सरकारने खबरदारीचा उपाय म्हणून दांडिया आयोजकांना महत्त्वाचे निर्देश दिले आहेत. मुंबईसह राज्यभरात नवरात्रीच्या निमित्ताने रास दांडियाचे आयोजन करणाऱ्या आयोजकांना सहभागी लोकांच्या आरोग्याची काळजी घ्यावी लागणार आहे. कारण राज्यातील सर्व दांडिया आयोजकांना यंदा आयोजनाचा ठिकाणी प्राथमिक आरोग्य सुविधा आणि रुग्णवाहिका तैनात ठेवणे बंधनकारक करण्याचे निर्देश मुख्यमंत्री एकनाथ शिंदे यांनी दिले आहेत.