कोल्हापुरात शाही दसऱ्याच्या सोहळ्याला दिमाखात प्रारंभ

गेले नऊ दिवस मध्ये करवीर निवासिनी अंबाबाई तसेच दख्खनचा राजा जोतिबा येथे देवदर्शनासाठी भाविकांनी एकच गर्दी केली होती. आज विजयादशमी. आजच्या दिवशी देवीच्या दर्शनाबरोबरच कोल्हापुरातील ऐतिहासिक शाही दसरा हा महत्त्वाचा प्रसंग आहे.म्हैसूर प्रमाणे कोल्हापूरचा दसरा हा सर्वत्र आकर्षणाचा केंद्रबिंदू असतो .

आणखी वाचा

पिंपरी: मोरया गोसावी संजीवन समाधी महोत्सवाला मंगळवारपासून प्रारंभ; सरसंघचालक डॉ. मोहन भागवत यांची उपस्थितीती

सूर्यप्रकाश भरपूर प्रमाणात असूनही भारतीयांमध्ये ‘Vitamin D’ची कमतरता…

लेकीच्या लग्नात पाहुण्यांचे स्वागत, ढोल-ताशाच्या तालावर अनुराग कश्यपचा डान्स; व्हिडीओ सोशल मीडियावर व्हायरल

पंतप्रधान नरेंद्र मोदींच्या उपस्थितीत भाजपचे छत्रपती संभाजीनगरला महाअधिवेशन

‘या’ उत्सवात दिला जातो हजारो जनावरांचा बळी; काय आहे गढीमाई उत्सव? याला जगातील सर्वांत रक्तरंजित उत्सव का म्हटले जाते?

तुळजाभवानी मंदिराला मिळणार पुरातन झळाळी, जीर्णोध्दाराचे काम पुरातत्व खात्याच्या निगराणीखाली वेगात सुरू

‘उर्मिलायन’ महाकाव्यातून उलगडणार रामायणातील लक्ष्मणच्या पत्नीचं कथाख्यान, ‘या’ दिवशी होणार शुभारंभाचा प्रयोग

अलोट उत्साहात प्रतापगड येथे शिवप्रताप दिन साजरा; छत्रपतींच्या अश्वारूढ पुतळ्यावर हेलिकॉप्टरमधून पुष्पवर्षाव

यावर्षी तो शासन मदतीतून शाही स्वरूपात साजरा केला जात आहे. यासाठी पालकमंत्री हसन मुश्रीफ, मावळते पालकमंत्री दीपक केसरकर, संयोजन समितीचे प्रमुख जिल्हाधिकारी राहुल रेखावार यांनी विशेष पुढाकार घेतला आहे.

हेही वाचा… Eknath Shinde Dasara Melava 2023 Live : मुख्यमंत्री एकनाथ शिंदे आझाद मैदानाच्या दिशेने रवाना

आज सायंकाळी भवानी मंडपातून श्री अंबाबाई देवीची पालखी, गुरु महाराजांची पालखी व छत्रपती देवस्थानाची पालखी सायंकाळी उत्साहात निघाली. या पालखी सोबत शाही लवाजम्याचा समावेश असून यात ध्वजवाहक घोडा, दहा घोड्यांचे पथक, दोन हत्ती, एक बग्गी (अब्दागिरी), त्यानंतर ३० मावळ्यांचे पथक, ६० खेळाडूंचे पथक, २०० पैलवान त्यानंतर तिन्ही पालख्या व शेवटी पुन्हा चार उंट असा लवाजमा असणार आहे. याबरोबरच ढोल पथक, लेझीम व धनगरी ढोल पथक सहभागी होवून मिरवणुकीला पारंपारिकतेची जोड आहे.

नवा राजवाडा ते दसरा चौक या मार्गावर एन. सी. सी, एन.एस.एस, स्काऊटच्या २५०० विद्यार्थ्यांचे पथक स्वागताला उभे आहे. शाही मिरवणुकीच्या दोन्ही मार्गांवर फुलांचा सडा, रांगोळ्यांनी करवीरकर व पर्यटक हे श्रीमंत शाहू महाराजांचे स्वागत करीत आहेत. भवानी मंडप ते दसरा चौक मार्गावर पारंपरिक पद्धतीने वेगवेगळ्या १२ कमानी उभारल्या जाणार आहेत.

हेही वाचा… Uddhav Thackeray Dasara Melava 2023 Live: शिवतीर्थावरुन थोड्याच वेळात धडाडणार उद्धव ठाकरेंची तोफ

महाराष्ट्र शासनाचा पर्यटन विभाग व जिल्हा नियोजन समितीच्या वतीने यावर्षी दसरा महोत्सवा अंतर्गत १५ ते २४ ऑक्टोबर दरम्यान सांस्कृतिक, कला, क्रीडा क्षेत्राशी संबंधित विविध कार्यक्रम घेण्यात आले. आतापर्यंतच्या सर्व कार्यक्रमांना कोल्हापूरकरांनी उत्फुर्त प्रतिसाद दिला.