Diwali 2023 Date and Time : यंदाच्या दिवाळीला सुरुवात झाली आहे. बाजारात सर्वत्र दिवाळीची धामधून दिसून येत आहे. विविध प्रकारचे आकाशकंदील लोकांनी घरासमोर लावले आहेत, तर दिव्यांनी आणि सजावटीच्या वस्तूंनी बाजारपेठा सजल्या आहेत. फराळाचे पदार्थ आणि नवे कपडे घेण्यासाठी लोकांची बाजारात मोठी गर्दी पाहायला मिळत आहे. खरंतर दिवाळीची सुरुवात वसुबारसपासून होते. त्यानंतर मग नरकचतुर्दशी, बलिप्रतिपदा म्हणजेच दिवाळी पाडवा असे दिवाळीतील महत्वाचे सण मोठ्या आनंदाने आणि उत्साहात साजरे केले जातात. आपल्या देशात दिवाळीचा सण मोठ्या थाटामाटात साजरा केला जातो. शिवाय तो खूप दिवस सुरू असतो. दिवाळी म्हणजे आनंदाचा, उत्साहाचा, ऊर्जेचा आणि दिव्यांचा सण असल्याचं मानलं जातं. यंदाची दिवाळी ९ नोव्हेंबरपासून सुरू झाली असून ती १५ नोव्हेंबरला भाऊबीज झाल्यानंतर समाप्त होणार आहे. दिवाळीतील इतर सणांपैकी एक असणारा दिवाळी पाडवा खूप महत्त्वाचा सण मानला जातो.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
