राष्ट्रवादी काँग्रेसचे खासदार अमोल कोल्हे यांनी दिल्लीत भेट घेऊन केंद्रीय मंत्री नितीन गडकरींचे आभार मानले आहेत. पुणे-शिरुर दरम्यान दुमजली पुलाचा एलिव्हेटेड कॉरीडॉर (६७ कि.मी) व चाकण-शिक्रापूर चौपदरीकरणासाठी काम केंद्रीय रस्ते वाहतूक व महामार्ग मंत्रालयाने निधी मंजूर केला आहे. यामुळे शिरुरमधील नगर रस्त्याच्या वाहतूक कोंडीचा प्रश्न निकाली निघणार आहे. यानिमित्ताने अमोल कोल्हे यांनी गडकरींची भेट घेऊन आभार मानले. अमोल कोल्हे यांनी ट्वीट करत ही माहिती दिली आहे. अमोल कोल्हे यांनी ट्वीटमध्ये म्हटलं आहे की, "नितीन गडकरी यांची नवी दिल्ली येथे सदिच्छा भेट घेतली. केंद्र सरकारने पुणे शिरुर रस्त्यावर दुमजली फ्लायओव्हर व तळेगाव चाकण शिक्रापूर रस्ता चौपदरीकरण यासाठी एकूण ८ हजार २१५ कोटींचा निधी मंजूर केला आहे. याबद्दल त्यांचे शिरुर लोकसभा मतदारसंघाच्या वतीने आभार मानले". केंद्रीय मंत्री मा.नितीनजी गडकरी (@nitin_gadkari) यांची नवी दिल्लीे येथे सदिच्छा भेट घेतली. केंद्र सरकारने पुणे शिरुर रस्त्यावर दुमजली फ्लायओव्हर व तळेगाव चाकण शिक्रापूर रस्ता चौपदरीकरण यासाठी एकूण ८ हजार २१५ कोटींचा निधी मंजूर केला आहे. pic.twitter.com/n9LNZdUVJr — Dr.Amol Kolhe (@kolhe_amol) July 27, 2021 याआधी अमोल कोल्हे यांनी ट्वीट करत आपल्या शिरुर लोकसभा मतदारसंघातील नगर रस्त्याच्या वाहतूक कोंडीचा प्रश्न निकाली निघत आहे अशी माहिती दिली होती. या रस्त्यासाठी उपमुख्यमंत्री अजितदादा पवार, गृहमंत्री दिलीप वळसे-पाटील,खासदार सुप्रियाताइ सुळे यांच्या मार्गदर्शनाखाली खेड विधानसभा मतदारसंघाचे आ. दिलीपराव मोहीते पाटील व शिरूर हवेली विधानसभा मतदारसंघाचे आ अॅड.अशोकबापू पवार यांच्यासोबत सातत्याने पाठपुरावा केला होता. — Dr.Amol Kolhe (@kolhe_amol) July 27, 2021 "या रस्त्यासाठी उपमुख्यमंत्री अजित पवार, गृहमंत्री दिलीप वळसे-पाटील, खासदार सुप्रिया सुळे यांच्या मार्गदर्शनाखाली खेड विधानसभा मतदारसंघाचे आमदार दिलीप मोहीते पाटील व शिरूर हवेली विधानसभा मतदारसंघाचे आमदार अॅड.अशोकबापू पवार यांच्यासोबत सातत्याने पाठपुरावा केला होता. या पाठपुराव्याला अखेर यश मिळाले असून लोकसभा निवडणूकीच्या काळात जनतेला दिलेल्या आश्वासनाची पुर्तता करण्याच्या दृष्टीने महत्वाचे पाऊल पडले याचा आनंद आहे," असंही ते म्हणाले होते.