खेडजवळ खासगी बस नदीत कोसळून ३७ जण मृत्युमुखी

खेडजवळील जगबुडी नदीत खासगी प्रवासी बस कोसळून झालेल्या भीषण अपघातात ३७ जण मुत्युमुखी पडले. मृतांमध्ये १० महिलांचा समावेश आहे. मंगळवारी पहाटे साडेतीन वाजण्याच्या सुमारास हा अपघात झाला. अपघातात सात जण जखमी झाले आहेत.
महाकाली ट्रॅव्हल्सची ही बस गोव्याहून मुंबईच्या दिशेने येत असताना अपघात झाला. बसमधील सर्व मृतदेह बाहेर काढण्यात आल्याची माहिती पोलिसांनी दिली. अपघातानंतर मुंबई-गोवा महामार्गावरील दोन्ही बाजूंकडील वाहतूक काही तास बंद करण्यात आली होती. मात्र, सकाळी दहा वाजण्याच्या सुमारास दोन्ही बाजूंकडील वाहतूक हळूहळू सुरू करण्यात आली.