सातारा: वाई मांढरदेव रस्त्यावरील पांडवगडावर (ता वाई) गिर्यारोहकांवर मधमाशांचा हल्ला केला.यामध्ये सहा गिर्यारोहक गंभीर जखमी झाले.यातील दोन जण घटनास्थळावर बेशुद्ध झाले.सर्वांना वाई येथील ग्रामीण रुग्णालयात उपचारासाठी हलविण्यात येत आहे. घटनास्थळावर मिळालेल्या माहितीनुसार इंदापूर वरून गिर्यारोहक पांडवगडावर ट्रेकिंग करण्यासाठी आज सकाळी गेले होते.
गिर्यारोहकांनी लावलेल्या अत्तराच्या (परफ्यूमच्या) वासाने मधमाशांच्या पोळे विचलित झाले आणि यातूनच मधमाशांनी गिर्यारोहकांवर हल्ला चढवला यामध्ये सहा गिर्यारोहक गंभीर जखमी झाले आहेत. त्यामध्ये दोन जण बेशुद्ध झालेले आहेत. ही माहिती मिळताच वाई येथील गिर्यारोहक प्रशांत डोंगरे, शिवसह्याद्री बचाव पथक आणि सहकाऱ्यांनी पांडवगडावर धाव घेतली. प्रशासनाला याची माहिती कळविण्यात आली आहे. सर्वांना पुढील उपचारासाठी वाई ग्रामीण रुग्णालयात हलविण्यात येत आहे.
