तीन जणांचा जीव घेणारा दोन वर्षाच्या मुलीवर हल्ला करणारा बिबट्या अखेर जेरबंद; लेकीसाठी बिबट्याशी लढली होती आई

चंद्रपुरातील दुर्गापूर परिसरात १६ हल्ले करून अनेकांचे बळी घेणाऱ्या बिबट्याला बेशुद्ध करून जेरबंद करण्यात वन विभागाला अखेर यश आलं आहे. शुक्रवारी पहाटे चार वाजण्याच्या सुमारास दुर्गापूर परिसरात वन विभागाने या बिबट्याला पकडले आहे. दोन दिवसांपूर्वी बिबट्याने अडीच वर्षीय बालिकेला तोंडात पकडून नेलं होतं. मुलीच्या आईने बिबट्याशी झुंज देत लेकीची सुटका केली होती.

आणखी वाचा

अंबरनाथमध्ये भरदिवसा महिलेची हत्या; पूर्वेतील उड्डाणपुलाशेजार घडली घटना, अंबरनाथमध्ये खळबळ

Malasian Airlines: बेपत्ता MH370 चा शोध; पुण्यातील प्रल्हाद…

पुणे : लग्नाची मागणी केल्याने बेदम मारहाणीत एकाचा मृत्यू, गोखलेनगर भागातील घटना

भिशीच्या वादातून लोखंडी सळईने वृद्धाचा खून; महिलेसह दोघे अटकेत

Salwan Momika Shot Dead : स्वीडनच्या रस्त्यावर कुराण जाळत खळबळ उडवून देणार्‍या व्यक्तीची गोळ्या झाडून हत्या

डोंबिवलीत सहा लाखाच्या गांजासह तीन जणांना अटक, मध्यप्रदेशातून रेल्वेतून गांजा डोंबिवलीत

तीन वर्षांच्या मुलाला बेदम मारहाण करणाऱ्या आईविरोधात गुन्हा

मुंबई : धारावीत तरुणाची हत्या; तिघांना अटक

या बिबट्याने दुर्गापूर, ऊर्जानगर परिसरात अक्षरशः धुमाकूळ घातला होता. बिबट्याने लहान मुलांसह मोठ्या माणसांवरदेखील हल्ले करून अनेकांना जखमी केले होते. बिबट्याने तीन जणांचा नरडीचा घोट घेतला होता. काही दिवसांपूर्वी आजोबांच्या अत्यसंस्कराला आलेल्या मुलाचा बळी याच बिबट्याने घेतला होता. तर मागच्याच आठवड्यात आरक्षा नावाच्या मुलीला आपले भक्ष बनविण्याचा प्रयत्न केला होता. मात्र आईने त्या विपरीत परस्थितीतही हिंमतीने बिबट्यावर काठीने हल्ला करून मुलीचे प्राण वाचवले होते. या घटनेनंतर दुर्गापूरवासियांचा आक्रोश टोकाला गेला व त्यांनी चक्क वनविभागाच्या अधिकाऱ्यांनाच कुलूपबंद केले होते.

मुलीसाठी बिबट्यासोबत लढली आई; काठीने हल्ला करत लावलं पळवून; चंद्रपुरातील घटनेची राज्यभर चर्चा

या घटनेनंतर अखेर वन विभागाने बिबट्याला ठार करण्याचे आदेश दिले असतानाच जेरबंद करण्यात यश आलं आहे. ताडोबाचे पशुवैद्यकीय अधिकारी डॉ. रविकांत खोब्रागडे, वन परिक्षेत्र अधिकारी कारेकर यांच्या टीमने हे काम यशस्वी केले. यासाठी वन विभागाने सहा पिंजरे, कॅमेरा ट्रॅप, तथा ३०० वन कर्मचारी तैनात केले होते.