रत्नागिरीत अनधिकृत गर्भपात सेंटर चालवणाऱ्या खाजगी दवाखान्यावर वैद्यकीय पथकाची धाड

रत्नागिरी औद्योगिक वसाहतीत टि.आर.पी. येथील साई हॉस्पिटल येथील वैद्यकीय अधिकारी अनंत नारायण शिगवण, वय-६७ वर्षे, राहणार एम.आय.डी.सी. प्लॉट नं. २०, टी.आर.पी. रत्नागिरी यांच्याकडे वैद्यकीय गर्भपात कायदा सन १९७१ व सन २०२३ मध्ये नमुद आवश्यक असलेली वैद्यकीय शैक्षणिक पात्रता व अनुभव नसताना आणि रुग्णालयाला गर्भपात केंद्राची मान्यता नसताना त्यांनी त्यांच्या मालकीच्या साई हॉस्पीटलमध्ये गर्भपाताच्या गोळ्या व साहित्य ठेवून गर्भपाताच्या गोळ्या अनधिकृतपणे रुग्णांना देत होते. याप्रकरणी वैद्यकीय गर्भपात कायदा सन १९७१ चे कलम ४ व ५ प्रमाणे त्यांच्यावर ग्रामीण पोलीस ठाण्यात गुन्हा दाखल करण्यात येऊन त्यांना आरोग्य विभागाकडून नोटीस देण्यात आली आहे.

हेही वाचा – Supriya Sule : “सकाळचे पहिले तीन तास बोललेलं आईला आवडत नाही, तेव्हा मी आणि बाबा…”, सुप्रिया सुळेंनी सांगितली शरद पवारांबरोबरची दिनचर्या

हेही वाचा – Petrol-Diesel Price Today: सोने स्वस्त झाल्यानंतर पेट्रोल-डिझेलच्या किंमतींवर काय परिणाम? मुंबई-पुण्यात आजचा भाव काय?

रत्नागिरीतील टीआरपी येथील साई हॉस्पिटलमध्ये अनधिकृतपणे गर्भपात होत असल्याची तक्रार जिल्हा शल्यचिकित्सक भास्कर विष्णु जगताप वय-५६ वर्षे, यांनी दिलेल्या तक्रारीनुसार ग्रामीण पोलीस ठाण्यात गु.र.नं.१३३/२०२४, वैद्यकीय गर्भपात कायदा सन १९७१ चे कलम ४ व ५ प्रमाणे गुन्हा दाखल करण्यात आला आहे. आरोग्य विभागाने दिलेल्या माहितीनुसार या रुग्णालयाची नोंदणीच झालेली नसल्याचे सांगण्यात येत आहे.