युवासेना प्रमुख, आमदार आदित्य ठाकरे बुधवारी (२३ नोव्हेंबर २०२२) एक दिवसीय बिहार दौऱ्यावर जाणार आहेत . ते बिहारची राजधानी पटना येथे बिहारचे उपमुख्यमंत्री, राष्ट्रीय जनता दलाचे नेते तेजस्वी यादव यांची भेट घेणार आहेत. यावेळी त्यांच्याबरोबर शिवसेना सचिव, खासदार अनिल देसाई, शिवसेना उपनेत्या, खासदार प्रियंका चतुर्वेदी आणि काही प्रमुख पदाधिकारी उपस्थित राहणार आहेत.
राज्यपाल भगतसिंह कोश्यारी यांनी छत्रपती शिवाजी महाराजांवर वादग्रस्त वक्तव्य केल्यानंतर राज्यातील राजकारणाचा पारा चढला आहे. शिवसेनेसह महाविकासआघाडीतील काँग्रेस-राष्ट्रवादी पक्षाचे कार्यकर्तेही आक्रमक झालेले पाहायला मिळत आहेत. अशातच आदित्य ठाकरे बिहार दौऱ्यावर जात असल्याने अनेक तर्कवितर्क लावले जात आहेत.
आदित्य ठाकरे यांच्या या दौऱ्याचं निश्चित कारण काय असाही प्रश्न अनेकजण विचारत आहेत. यावर शिवसेनेकडून जारी करण्यात आलेल्या निवेदनात उत्तर देण्यात आलंय. यानुसार, आदित्य ठाकरेंची हा बिहार दौरा केवळ सदिच्छा भेटीसाठी आहे.
शिवसेनेच्या निवेदनात नेमकं काय म्हटलं?
हेही वाचा : VIDEO: “…तेव्हा ठाकरे गटात उरलेल्या १५ पैकी आठ आमदार शिंदे गटात येतील”, खासदार प्रतापराव जाधवांचा दावा
शिवसेनेने या भेटीला सदिच्छा भेट म्हटलं असलं तरी या भेटीबाबत अनेक राजकीय तर्कवितर्क काढले जात आहेत. त्यामुळे या भेटीनंतर आदित्य ठाकरे आणि तेजस्वी यादव पत्रकार परिषदेत काय भूमिका मांडतात याकडे सर्वांचंच लक्ष लागलेलं आहे.
