"एकनाथ शिंदे १८-१८ तास काम करतात आणि फडणवीस...", अब्दुल सत्तार यांचं जालन्यात वक्तव्य | Abdul Sattar claim CM Eknath Shinde work for 18 hours a day rno news pbs 91

एकनाथ शिंदे १८-१८ तास काम करतात, असं मत बंडखोर शिंदे गटाचे नेते व राज्याचे कृषीमंत्री अब्दुल सत्तार यांनी व्यक्त केलं आहे.

Abdul Sattar Eknath Shinde Devendra Fadnavis

अब्दुल सत्तार, एकनाथ शिंदे व देवेंद्र फडणवीस

शिंदे-फडणवीस सरकारच्या खातेवाटपावरून विरोधकांकडून टीका होत आहे. महाविकासआघाडीच्या नेत्यांनी भाजपाने स्वतःकडे महत्त्वाची खाती ठेवत शिंदे गटाला केवळ झाडी, डोंगर दिल्याची टीका केलीय. या पार्श्वभूमीवर बोलताना बंडखोर शिंदे गटाचे नेते व राज्याचे कृषीमंत्री अब्दुल सत्तार यांनी मुख्यमंत्री एकनाथ शिंदे व उपमुख्यमंत्री देवेंद्र फडणवीसांच्या समन्वयातून खातेवाटप झाल्याचं सांगितलं. तसेच एकनाथ शिंदे १८-१८ तास काम करत असल्याचंही म्हटलं. ते सोमवारी (१५ ऑगस्ट) जालन्यात बोलत होते.

अब्दुल सत्तार म्हणाले, “एकनाथ शिंदे १८-१८ तास काम करतात. त्यांच्या कामाचं मुल्यमापन केलं पाहिजे. केवळ विरोधाला विरोध करू नये. देवेंद्र फडणवीस हेही १५-१८ तास काम करतात. त्यांनी आता मंत्र्यांवर काही जबाबदाऱ्या दिल्या आहेत. त्यामुळे मंत्र्यांना काम करावं लागेल. या कामाचा ते प्रत्येक महिन्याला, तीन महिन्याला आढावा घेतील. कोणत्या खात्यात काय काम केलं, कशा पद्धतीने काम केलं अशाप्रकारे मंत्र्यांच्या कामाचं मुल्यमापन केलं जाईल.”

आणखी वाचा

Loksatta lokrang A review of the achievements of Maharani Baijabai Shinde

दखल: बायजाबाई यांच्या कर्तृत्वाचा आढावा

sneha chavan marathi actress got married for second time

लोकप्रिय मराठी अभिनेत्री दुसऱ्यांदा अडकली लग्नबंधनात; साधेपणाने पार…

Controversial statement of MP Dhananjay Mahadik on Ladki Bahin Yojana

लाडकी बहीण योजनेवरून खासदार धनंजय महाडिक यांचे वादग्रस्त विधान; खासदार प्रणिती शिंदे, आमदार सतेज पाटील यांचे टीकास्त्र

“चोवीस तास उपलब्ध राहणाऱ्या आमदाराचा विचार करा”, खासदार डॉ. श्रीकांत शिंदे यांचे आवाहन

maharashtra assembly election 2024 chief minister eknath shinde criticizes on manifesto of maha vikas aghadi

”महाविकास आघाडीचा जाहीरनामा ही पंचसूत्री नसून थापासुत्री”; मुख्यमंत्री एकनाथ शिंदे यांची टीका!

Eknath Shinde : एकनाथ शिंदेंच्या कामांना कोपरी पाचपाखाडी मतदारसंघात किती मार्क्स? काय म्हणत आहेत ठाणेकर?

मुख्यमंत्री एकनाथ शिंदे हेच महायुतीचे कर्णधार – खासदार नरेश म्हस्के

भंडारा: साडेतीन तास लोटूनही मुख्यमंत्र्यांचा पत्ता नाही, लोकांचा सभास्थळाहून काढता पाय

“मागील काळात केंद्र व राज्याच्या वादात अनेक कामं अडकली”

“जनतेने ज्या अपेक्षेने ही जबाबदारी दिली आहे ती जबाबदारी पार पाडण्यासाठी मुख्यमंत्री एकनाथ शिंदे व उपमुख्यमंत्री देवेंद्र फडणवीस यांच्या मार्गदर्शनाखाली आमचे १८ मंत्री काम करतील. केंद्र व राज्य सरकार सोबत काम करण्याचा निर्णय घेण्यात आला आहे. मागील काळात केंद्र व राज्याच्या वादात अनेक कामं अडकली होती. ती सर्व कामं मार्गी लावण्यासाठीही प्रयत्न केला जाईल,” असं अब्दुल सत्तारांनी सांगितलं.

“खातेवाटपाचं काम आम्ही खूप समन्वयाने केलं”

“भाजपाने शिंदे गटाला झाडी, डोंगर दिला की शेती, उद्योग दिला हे सर्वांसमोर आहे. खातेवाटपाचं काम आम्ही खूप समन्वयाने केलं. भाजपा आणि शिवसेना युतीकडे विरोधक त्यांच्या डोळ्यात लागलेल्या चष्म्याप्रमाणे पाहत आहेत. मात्र, राज्याचे लोकप्रिय मुख्यमंत्री एकनाथ शिंदे व उपमुख्यमंत्री देवेंद्र फडणवीस या दोघांच्या माध्यमातून आमच्यावर जबाबदारी टाकण्यात आली आहे. महाराष्ट्राचे अनेक प्रश्न आहेत. त्यांना गतीमान कारभारातून सोडवण्यासाठी आमचं सरकार काम करेल,” असंही सत्तारांनी नमूद केलं.

First published on: 15-08-2022 at 16:01 IST

Web Title: Abdul sattar claim cm eknath shinde work for 18 hours a day rno news pbs

“एकनाथ शिंदे १८-१८ तास काम करतात आणि फडणवीस…”, अब्दुल सत्तार यांचं जालन्यात वक्तव्य

“मागील काळात केंद्र व राज्याच्या वादात अनेक कामं अडकली”

“खातेवाटपाचं काम आम्ही खूप समन्वयाने केलं”