“शिवाजी महाराजांची चंगुमंगु लोकांशी तुलना, कोश्यारींचा नालायकपणा…”, अभिजीत बिचुकलेंची राज्यपालांवर सडकून टीका

अभिजीत बिचुकले म्हणाले, “राज्यपाल भगतसिंह कोश्यारी यांनी छत्रपती शिवाजी महाराजांची चंगुमंगु लोकांशी तुलना केली. हा कोश्यारींचा नालायकपणा आहे. छत्रपती शिवाजी महाराजांची तुलना होऊ शकत नाही.”

आणखी वाचा

“संविधानाची विटंबना करण्याचे धाडस होतेच कसे,” नाना पटोले यांची टीका; म्हणाले…

Chastity Belt: योनी शुचिता पट्ट्याचा इतिहास आणि त्यामागील…

अन्वयार्थ : ‘सांविधानिक भावना दुखावण्या’पल्याड…

महाराष्ट्र पुढे जाणार तरी कसा?

ज्येष्ठ अभिनेत्याने मुलगा अन् सूनेविरोधात दिली तक्रार; मुलानेही वडिलांवर केले आरोप

“समुहाने निवडून दिलेली राजेशाही…”, निवडणुकीनंतर मराठी दिग्दर्शकाची सूचक पोस्ट; म्हणाला, “लोकशाहीच्या नावाखाली…”

अन्वयार्थ : आत्मपरीक्षणाऐवजी बहिष्कार‘नाट्य’!

Shiv Sena UBT : “ठाकरेंच्या शिवसेनेला नाकारण्याचा जनतेचा निर्णय किती योग्य, हेच पुन्हा अधोरेखित होतंय”, भाजपा नेत्याची आगपाखड

“शिवरायांचा तर अपमान केलाच, पण डॉ. आंबेडकरांसाठीही एकेरी भाषेचा वापर”

“एक गाणं आहे की, ‘दोनच राजे इथं जाहले कोकण पुण्यभूमीवर, एक त्या रायगडावर, एक चवदार तळ्यावर’. कोश्यारींनी शुल्लक लोकांशी तुलना करून माझ्या शिवरायांचा तर अपमान केलाच, पण डॉ. बाबासाहेब आंबेडकरांसाठीही एकेरी भाषा वापरून अपमान केला. अशाप्रकारे दोन्ही राजांचा अपमान झाला आहे,” असा आरोप अभिजीत बिचुकले यांनी केला.

“स्वयंस्फुर्तीने २८ नोव्हेंबरला सातारा बंद ठेवा”

अभिजीत बिचुकले पुढे म्हणाले, “सातारा आमची राजधानी आहे. या निमित्ताने सर्व जातीधर्मातील सातारकरांना मी आवाहन करतो की, छत्रपती शिवाजी महाराजांचा अपमान झाला त्या निषेधात स्वयंस्फुर्तीने २८ नोव्हेंबरला सातारा बंद ठेवावा. त्या दिवशी माझा वाढदिवसही आहे. त्यामुळे आता शिवरायांची नावं घेणारे या बंदमध्ये सहभागी होतात की नाही ते बघू.”

“सातारा बंद झाला नाही, तर हा अपमान…”

“सातारा बंद झाला नाही, तर हा अपमान माझा नसेल. मी नेता किंवा सेलिब्रेटी म्हणून सांगत नाही. मी शिवरायांचा वैचारिक वारस म्हणून, मावळा म्हणून मी सातारा बंद ठेवण्याचं आवाहन करत आहे,” असं अभिजीत बिचुकलेंनी म्हटलं.

हेही वाचा : उद्धव ठाकरेंचा महाराष्ट्र बंदचा इशारा, नवनीत राणा म्हणाल्या, “राज्यपालांना हटवण्यासाठी पंतप्रधान मोदी…”

“…तर प्रत्येकाची कुवत आणि पात्रता कळेल”

“मागील काळात वासनाकांडात अडकली तरी त्यांच्यासाठी सातारा बंद झाला. आता शिवरायांचा अपमान होऊन सातारा बंद होत नसेल, तर प्रत्येकाची कुवत आणि पात्रता कळेल,” असंही बिचुकलेंनी नमूद केलं.