Pune Reelstar Arrested : पुण्यातील इन्स्टाग्राम रीलस्टारला मुंबई पोलिसांनी बेड्या ठोकल्या आहेत. रील्समधून पैसे मिळत नसल्याने त्याने पायरेटेड चित्रपट विकण्याचा प्रयत्न केला. याप्रकरणी तक्रार प्राप्त झाल्यानंतर मुंबई पोलिसांनी पुण्यातील २६ वर्षीय तरुणाला अटक केली आहे. इंडियन एक्स्प्रेसने यासंदर्भातील वृत्त दिलं आहे.
छावा चित्रपटाच्या पायरेटेड प्रती ऑनलाइन अपलोड करून महागड्या किमतीत डाउनलोड करण्याची परवानगी दिल्याबद्दल ही कारवाई करण्यात आली. उच्चशिक्षित सागर रणधावन पूर्वी सोशल मीडिया कंटेंट पोस्ट करायचा. परंतु, यातून त्याला पुरेसे उत्पन्न मिळत नसल्याने त्याने एक वेबसाइट आणि एक अॅप सुरू केला. यावर तो नवीन चित्रपट अपलोड करायचा आणि डाउनलोडसाठी १०० रुपये आकारायचा.
छावा चित्रपट केला अपलोड
डीसीपी दत्ता नलावडे म्हणाले की, “दक्षिण विभाग सायबर पोलिसांच्या पथकाने पुण्यातील दौंड येथून रणधनवनला अटक केली.” छावा चित्रपटाच्या निर्मात्यांकडून त्यांच्या चित्रपटाच्या पायरेटेड आवृत्त्या skymovieshd.tech वर डाउनलोड करण्यासाठी उपलब्ध असल्याबद्दल पोलिसांना यापूर्वी तक्रार मिळाली होती. तांत्रिक तपासणीच्या आधारे, पोलिसांना असे आढळून आले की वेबसाइटचे डोमेन नाव रणधुवनने खरेदी केले होते, त्यानंतर पोलिसांनी त्याचा माग काढला.
पोलिसांना असे आढळून आले की आरोपी पूर्वी सोशल मीडिया प्लॅटफॉर्मवर रील्स आणि व्हिडिओ पोस्ट करत असे आणि त्यातून पैसे कमवत असे. परंतु, जेव्हा तो त्यातून पुरेसे पैसे कमवू शकला नाही, तेव्हा त्याने छावा चित्रपट अपलोड करण्याचा निर्णय घेतला. पोलिसांना आढळले की छावा व्यतिरिक्त, आरोपीने इतर नवीन चित्रपट देखील अपलोड केले होते. गुरुवारी आरोपीला सुट्टीकालीन न्यायालयात हजर करण्यात आले आणि त्याला पोलीस कोठडी सुनावण्यात आली.
