छत्रपतींच्या घराण्याविषयी आम्हाला प्रचंड आदर आहे. या घराण्यातून आम्हाला कायम प्रेरणा मिळात असते. आज छत्रपती उदयनराजे भोसले यांच्या स्वागताने मी भारावून गेलो असून आजचा दिवस माझ्या आयुष्यातला खूप मोठा दिवस आहे. येणाऱ्या काळात खासदार उदयनराजे भोसले यांना आम्ही भाजपात खूप मोठी जबाबदारी देणार आहोत, असे केंद्रीय गृहराज्यमंत्री अजयकुमार मिश्रा यांनी सांगितले .
केंद्रीय गृहराज्यमंत्री अजयकुमार मिश्रा हे दोन दिवसाच्या सातारा जिल्हा जनसंपर्क दौऱ्यावर असून आज त्यांनी खासदार उदयनराजे भोसले यांची जलमंदिर पॅलेस या निवासस्थानी भेट घेतली. यावेळी कल्पनाराजे भोसले यांनी मिश्रा यांचे औक्षण केलं तर खासदार उदयनराजे भोसले यांनी त्यांचे पुष्पगुच्छ आणि सातारी कंदी पेढे देऊन स्वागत केलं. राजघराण्याच्या स्वागताने मिश्रा भारावून गेले.यावेळी त्यांनी येथील भवानी मातेचे दर्शन घेऊन आशीर्वाद घेतले. यावेळी भाजपचे जिल्हाध्यक्ष आमदार जयकुमार गोरे, अतुल भोसले, अण्णासाहेब पाटील आर्थिक विकास महामंडळाचे अध्यक्ष नरेंद्र पाटील, धैर्यशिल कदम, सुनील काटकर, आदींसह पदाधिकारी व कार्यकर्ते उपस्थित होते.
यावेळी मिश्रा यांनी येथील भवानी मातेचे दर्शन घेऊन आशीर्वाद घेतले. यावेळी भाजपचे जिल्हाध्यक्ष आमदार जयकुमार गोरे, अतुल भोसले, अण्णासाहेब पाटील आर्थिक विकास महामंडळाचे अध्यक्ष नरेंद्र पाटील, धैर्यशिल कदम, सुनील काटकर, आदींसह पदाधिकारी व कार्यकर्ते उपस्थित होते.साताऱ्यात खासदार उदयनराजे भोसले यांच्या या निवासस्थानी झालेल्या स्वागताने मी भारावून गेलो आहे. आजचा दिवस माझ्या आयुष्यातला खूप मोठा दिवस आहे. छत्रपती घराण्याने आजपर्यंत आम्हाला प्रेरणा देण्याचे काम केले आहे. येणाऱ्या काळात खासदार उदयनराजे भोसले यांना आम्ही भाजपात खूप मोठी जबाबदारी देणार आहोत असे केंद्रीय गृहराज्यमंत्री अजयकुमार मिश्रा यांनी सांगितले.
