“मी ६० वर्षांचा झाल्यावर वेगळी भूमिका घेतली, काहींनी ३८ व्या वर्षी…”, अजित पवारांचा शरद पवारांवर हल्लाबोल

अजित पवार म्हणाले, “माझे विचार अतिशय स्पष्ट असतात. मी ६० वर्षांचा झाल्यावर वेगळी भूमिका घेतली. काहींनी ३८ व्या वर्षी वेगळी भूमिका घेतली होती. यशवंतराव चव्हाण यांचा याला विरोध होता. वसंतदादा पाटील हे चांगलं नेतृत्व होते. तरी त्यांना बाजूला करण्यात आलं आणि जनता पक्षालाबरोबर घेऊन सत्ता स्थापन करण्यात आली.”

हेही वाचा : “भाजपाबरोबर जाण्यासाठी मी सही केली होती, पण…”, जितेंद्र आव्हाडांचं हसन मुश्रीफांना प्रत्युत्तर

“बाकीच्यांचं खूप वर्षे झालं ऐकलं आहे, आता…”

“याआधी ४० वर्षांच्या आतच वेगळे निर्णय घेण्यात आले. मी ६० वर्षांचा झाल्यावर वेगळा निर्णय घेतला. इथून पुढं फक्त माझे ऐका. बाकी कुणाचं ऐकू नका. बाकीच्यांचं खूप वर्षे झालं ऐकलं आहे. आता माझे ऐका,” अशी तंबी अजित पवारांनी कार्यकर्त्यांना दिली आहे.

हेही वाचा : “सगळं यालाच कळतं का?” अजित पवार गटातील मंत्र्याची आव्हाडांवर टीका; म्हणाले, “पक्षात कुणी विचारत नसल्यानं…”

“मी घेतलेला निर्णय योग्य असल्यानं आमदार माझ्याबरोबर”

“माझ्याबरोबर विधानसभेतील ५३ पैकी ४३ आमदार आहेत. देवेंद्र भुयार आणि संजमामा शिंदे या दोन अपक्ष आमदारांनीही पाठिंला दिला आहे. विधानपरिषदेतील ९ पैकी ६ आमदार माझ्याबरोबर आहेत. मी घेतलेला निर्णय योग्य असल्यानेच ही लोक माझ्याबरोबर आली,” असं अजित पवारांनी सांगितलं.