चार मुख्यमंत्र्यांच्या काळात सहावेळा उपमुख्यमंत्री; अजित पवारांच्या नावे नवा विक्रम

अजित पवार एक कडवट प्रशासक म्हणून ळखले जातात. त्यांचे काका शरद पवार यांच्या मार्गदर्शनाखाली ते राजकारण शिकले. २०१० मध्ये पहिल्यांदा त्यांनी उपमुख्यमंत्रीपदाची शपथ घेतली. त्यानंतर २०१२ मध्ये पुन्हा ते उपमुख्यमंत्री बनले. त्यानंतर जवळपास चारवेळा ते उपमुख्यमंत्री राहिले आहेत.

नाशिकराव तिरपुडे पहिले उपमुख्यमंत्री

महाराष्ट्रात उपमुख्यमंत्री पदाची परंपरा १९७८ पासून सुरू झाली होती. नाशिकराव तिरपुडे हे महाराष्ट्राचे पहिले उपमुख्यमंत्री. त्यानंतर विविध काळात अनेक नेत्यांनी उपमुख्यमंत्री म्हणून कार्य केले. अजित पवार यांनी या पदावर एकूण सहा वेळा काम केले आहे, जो एक विक्रम आहे.

नोव्हेंबर २००४ मध्ये, आर. आर. पाटील यांनी उपमुख्यमंत्रीपदाची शपथ घेतली आणि चार वर्षांपेक्षा अधिक काळ ते या पदावर होते. २००८ च्या मुंबई दहशतवादी हल्ल्याच्या परिणामस्वरूप त्यांनी राजीनामा दिला. त्यानंतर छगन भुजबळ यांना उपमुख्यमंत्रीपदावर नियुक्त करण्यात आले, ते १० नोव्हेंबर २०१० पर्यंत कार्यरत होते. भुजबळ यांच्यानंतर अजित पवार यांना उपमुख्यमंत्रीपद मिळाले आणि तेव्हापासून ते सहा वेळा उपमुख्यमंत्री बनले आहेत.

नोव्हेंबर २०१० मध्ये, अजित पवार यांनी आपल्या शरद पवार यांच्याविरोधात जाऊन छगन भुजबळ यांना उपमुख्यमंत्री करण्यास विरोध केला होता. २०१२ च्या सप्टेंबरमध्ये, ७०,००० कोटींच्या जलसिंचन घोटाळ्यात त्यांचं नाव आल्यावर भुजबळांना राजीनामा द्यावा लागला. मात्र, तीन महिन्यांनी ते “क्लीनचिट” घेऊन पुन्हा सरकारमध्ये परतले.

चार मुख्यमंत्री अन् एक उपमुख्यमंत्री

अजित पवारांनी १० नोव्हेंबर २०१० मध्ये पहिल्यांदा उपमुख्यमंत्रीपदाची शपथ घेतली. पृथ्वीराज चव्हाण हे तेव्हा मुख्यमंत्री होते. २५ सप्टेंबर २०१२ पर्यंत ते तेव्हा उपमुख्यमंत्री होते. त्यानंतर, २५ ऑक्टोबर २०१२ ते २६ सप्टेंबर २०१४ तेव्हाही पृथ्वीराज चव्हाण यांच्या पदाखाली त्यांनी उपमुख्यमंत्रीपदाची शपथ घेतली.

२३ नोव्हेंबर २०१९ ते २६ नोव्हेंबर २०१९ या काळात ते औटघटेकेचे उपमुख्यमंत्री बनले हते. देवेंद्र फडणवीस यांच्यासोबत त्यांनी या पदाची शपथ घेतली. परंतु, हे सरकार अवघ्या ८० तासांत कोसळलं.

हे सरकार कोसळल्यानंतर लागलीच ३० नोव्हेंबर २०१९ ते २९ जून २०२२ पर्यंत ते उद्धव ठाकरेंच्या नेतृत्त्वाखालील सरकारमध्ये उपमुख्यमंत्री होते.

जून २०२३ मध्ये त्यांनी राष्ट्रवादीत बंडखोरी करून महाविकास आघाडीतून काढता पाय घेतला. त्यानंतर २ जुलै २०२३ ते २६ नोव्हेंबर २०२४ पर्यंत त्यांनी एकनाथ शिंदे यांच्या नेतृत्त्वाखालील सरकारमध्ये उपमुख्यमंत्री पद स्वीकारले.

आता ते पुन्हा ५ डिसेंबर २०२४ मध्ये उपमुख्यमंत्रीपदाची शपथ घेणार आहेत.