“तक्रार करताना अजित पवार रडले, असं…”, अमित शाहांबरोबरच्या भेटीबाबत काँग्रेसच्या नेत्याचं मोठं विधान

अमित शाहांकडे तक्रार करता करता अजित पवार रडले. पण त्यांना तक्रारीपुरतं मर्यादीत ठेवा, ते रडून आले, असं कुठेही सांगू नका, असं मला कुणीतरी सांगितलं, असं वक्तव्य विरोधी पक्षनेते विजय वडेट्टीवार यांनी केलं. ते नागपूर येथे प्रसारमाध्यमांशी संवाद साधत होते. वडेट्टीवार यांच्या वक्तव्यानंतर राजकीय वर्तुळात चर्चांना उधाण आलं आहे.

आणखी वाचा

Ajit Pawar: ‘नायतर आम्हाला कुत्रं विचारणार नाही’, भरसभेतच अजित पवार भडकले, पोलिसांवर व्यक्त केला संताप

Nana Patole : निकालाआधी राजकीय घडामोडींना वेग; यातच…

“…अन् प्रियांका गांधींनी भाजपाचे दात घशात घातले”, पंतप्रधान मोदींच्या ‘त्या’ आव्हानाला उद्धव ठाकरेंचं प्रत्युत्तर

Sharad Pawar: “होय, बैठक झाली होती, पण…”, NCP-BJP एकत्र येण्यासाठी अदाणींच्या घरी बैठक; अजित पवारांच्या दाव्यावर शरद पवार म्हणाले…

“महायुतीत मिठाचा खडा टाकू नका”, मुख्‍यमंत्री एकनाथ शिंदे, उपमुख्‍यमंत्री अजित पवारांनी रवी राणांना खडसावले

Ajit Pawar: ‘साताऱ्याला पिपाणीनं वाचवलं, नाहीतर…’, अजित पवारांच्या मिश्किल टिप्पणीनं भाजपाचीच कोंडी

“जयंत पाटील आतल्या गाठीचे, त्यांनी…”, अजित पवार गटाकडून टीका; म्हणाले, ‘यावेळी त्यांचा करेक्ट कार्यक्रम करणार’

हेही वाचा- “…तर शिंदे गट अडचणीत येईल”, राहुल नार्वेकरांचा उल्लेख करत रोहित पवारांचं सूचक विधान

अजित पवारांच्या नाराजीबाबत विचारलं असता विजय वडेट्टीवार म्हणाले, “अजित पवार कधी खूश राहिले, ते नेहमीच नाराज असतात. त्यांच्या मनाप्रमाणे झाले, तर ते खूश होतात. मनाविरुद्ध झाले, तर नाराज. ‘हम करे सो कायदा’अशा पद्धतीने त्यांची भूमिका असते. आता तीन पक्षांच्या सरकारमध्ये त्यांना वाटतं की, निधी मिळत नाही. अरे तिजोरीची चावीच तुमच्याकडे आहे, मग तुम्ही दुसऱ्यांकडे तक्रार का करता? आता तुमची धमक दाखवा.”

हेही वाचा- “दादांचा चेहरा पाहिला तरी…”, अजित पवारांच्या नाराजीवर रोहित पवारांचं विधान

“मला कुणीतरी सांगितलं की, अजित पवार तक्रार करता करता रडले असं कुठे सांगू नका. त्यांना तक्रारीपुरतंच मर्यादित ठेवा. दादा रडून आले वगैरे, असं कुठे सांगू नका. आता कदाचित अजित पवारांवर रडण्याची स्थिती आली असावी. कारण भारतीय जनता पार्टीत जाणाऱ्यांना रडवून रडवून सडवतात. आता अजित पवारांवर सडण्याची आणि रडण्याची स्थिती आली असावी,” असंही वडेट्टीवार यावेळी म्हणाले.