“सत्ताधारी पक्षाचे आमदार रिवॉल्व्हर काढून गोळीबार करायला लागले तर…”, अजित पवारांची संतप्त प्रतिक्रिया

अजित पवार म्हणाले, “राज्यासमोर अनेक गंभीर प्रश्न आहेत. गणशोत्सवाच्या काळात शिवसेना आणि शिंदे गटात ठिकठिकाणी राजकीय संघर्ष झाला. अधिवेशन संपल्यापासून कालपर्यंत या घटना घडत आहेत. एक आमदार रिवॉल्व्हर काढतो आणि गोळीबार करतो. हे असं कधीच नव्हतं. आपण हे असं बिहार, उत्तर प्रदेशमध्ये घडलेलो ऐकतो. मला बिहार, उत्तर प्रदेशची बदनामी करायची नाही. नाही तर पुन्हा तिथं माझा निषेध व्हायचा.”

आणखी वाचा

“या प्रकरणाची न्यायालयीन चौकशी नक्कीच होईल, कारण…”; अक्षय शिंदेच्या मृत्यूप्रकरणी उज्वल निकम यांची प्रतिक्रिया!

२६ सप्टेंबर पंचांग: दिवसाच्या सुरुवातीला ‘या’ राशींना होणार…

गायकवाड यांना वडेट्टीवार यांचे प्रत्युत्तर ,म्हणाले ‘पन्नास खोके घेणाऱ्यांना सत्तेची मस्ती’

महायुतीमध्ये मैत्रीपूर्ण लढतीची शक्यता, शिंदे गटाच्या नेत्याचे भाकित

Eknath Shinde : आरक्षण रद्द करणाऱ्यांविरोधात आम्ही उभे राहू – मुख्यमंत्री एकनाथ शिंदे

Rohit Pawar : “ज्या पक्षाने कुटुंब फोडलं, त्यांना…”; अजित पवारांच्या ‘त्या’ कबुलीनंतर रोहित पवारांची प्रतिक्रिया!

हरियाणात भाजपाची वाट बिकट, उमेदवार यादी जाहीर होताच पक्षातील नेत्यांचे राजीनामे; काँग्रेस मारणार बाजी?

महायुतीने राज्य बरबाद करण्याचे काम केले, अर्थमंत्र्यांबाबत मंत्री गुलाबराव पाटलांच्या वक्तव्याचे मी समर्थन करतो – बाळासाहेब थोरात

“सत्ताधारी पक्षाचे आमदार रिवॉल्व्हर काढून गोळीबार करायला लागले तर…”

“आपला महाराष्ट्र सुसंस्कृत आहे, असं नेहमी सांगतो आणि खुशाल सत्ताधारी पक्षाचे आमदार रिवॉल्व्हर काढून गोळीबार करायला लागले तर कायदा सुव्यवस्थेवर कुणाचं लक्ष आहे? गृहमंत्री काय करतात, मुख्यमंत्री काय करतात? सत्ताधारी पक्षाचे आमदार असं वागायला लागले तर पोलिसांनी काय भूमिका घ्यायची?” असा सवाल अजित पवारांनी केला.

“अजूनही त्यांच्या तोंडातून ठोकाठोकीची भाषा”

अजित पवार पुढे म्हणाले, “आम्ही कायदा सुव्यवस्थेचा मुद्दा सभागृहात उपस्थित केला. त्यानंतर अजूनही त्यांच्या तोंडातून ठोकाठोकीची भाषा ऐकायला मिळते. अरेला कारे म्हणा, अमकं करा तमकं करा, आम्ही तुमच्या मागे आहोत, असं आवाहन कॅबिनेट मंत्री करतात. काय सुरू आहे, कशा पद्धतीचा कारभार सुरू आहे? काही गोष्टी यांनी लक्षात घेतल्या पाहिजे. गांभीर्य हा प्रकारच यांच्यात राहिलेला नाही.”

हेही वाचा : मुख्यमंत्री एकनाथ शिंदेंच्या सभेला अंगणवाडी सेविकांना हजर राहण्याचे आदेश, अजित पवार म्हणाले, “गर्दी जमवण्यासाठी ही वेळ आली असेल तर…”

“गोळीबाराचे आरोप खरे की खोटे हे लोकांना कळलं पाहिजे”

“राज्यात अनेक गंभीर प्रश्न असताना पुणे, मुंबईसह राज्यात अनेक ठिकाणी राजकीय पक्षांच्या कार्यकर्त्यांमध्ये संघर्ष होत आहे. हा संघर्ष पेटवण्याचा प्रकार दुर्दैवी आहे. मुंबईत आमदाराने गोळीबार केल्याचा आरोप होत आहे. ते खरं की खोटं हे लोकांना कळलं पाहिजे. राज्यातील स्थिती अस्थिर आणि चिघळत ठेवणं पुरोगामी विचाराच्या महाराष्ट्राला कदापि परवडणारं नाही,” असंही अजित पवारांनी नमूद केलं.