“जयंत पाटील आतल्या गाठीचे, त्यांनी…”, अजित पवार गटाकडून टीका; म्हणाले, ‘यावेळी त्यांचा करेक्ट कार्यक्रम करणार’

अन् निघाले राज्याचे नेतृत्व करायला

फक्त सुनील तटकरेच नाही तर उपमुख्यमंत्री अजित पवार यांनीही जयंत पाटील यांच्यावर जोरदार टीका केली. सांगली येथील सभेत त्यांनी जयंत पाटील यांची नक्कल करत त्यांचा समाचार घेतला. ते म्हणाले, कासेगावमध्ये भाड्याच्या घरात पोलीस ठाणे सुरू आहे. स्वतःच्या गावात यांना पोलीस ठाणे बांधता येत नाही आणि राज्याचे नेतृत्व करायला निघाले आहेत. राज्यात काय सगळीकडे भाड्याची पोलीस ठाणे उभारणार आहेत का? असा सवाल अजित पवारांनी उपस्थित करताना जयंत पाटील यांची नक्कल केली.

अमित शाहांच्या विधानावर स्पष्टीकरण

अमित शाह यांनी देवेंद्र फडणवीस यांच्याबद्दल जे विधान केले, त्याबद्दल बोलताना सुनील तटकरे म्हणाले की, प्रत्येक पक्षाला स्वतःचा मुख्यमंत्री व्हावा असे वाटत असते. अमित शाह महायुतीचे नेते आहेत. अमित शाह यांनी काल भाषणात महायुतीच्या विजयाचा संकल्प केला. तसेच हे करत असताना देवेंद्र फडणवीस यांच्या पाठी ताकद उभी करा, असे म्हटले. त्यामुळे यातून वेगळा अर्थ घेण्याची गरज नाही. निवडणुकीनंतर महायुती एकत्र बसून निर्णय घेईल.