‘ठाण्यातून शिंदेशाही संपवायची का?’ विजय शिवतारेंच्या आरोपानंतर अजित पवार गटाचा पलटवार

मुख्यमंत्री शिंदे मूकदर्शक का बनलेत?

विजय शिवतारेंचा समाचार घेण्यासाठी माजी खासदार आणि अजित पवार गटाचे प्रवक्ते आनंद परांजपे यांनी पत्रकार परिषद घेतली. त्यात ते म्हणाले की, शिवतारेंनी आपल्या पत्रकार परिषदेत स्वतःला मुख्यमंत्री यांचे निष्ठावान असल्याचे म्हटले. त्यामुळे मुख्यमंत्र्यांनी आता याचा खुलासा करणे आवश्यक आहे. गेल्या दोन दिवसांपासून शिवराळ शिवतारे राष्ट्रवादीच्या नेत्यांवर आरोप करत आहेत. या सर्व घडामोडींचे मुख्यमंत्री मूकदर्शक बनले आहे. शिवतारेंना समज देण्यात आली आहे का? त्यांच्यावर कारवाई होणार आहे का? हेदेखील मुख्यमंत्र्यांनी स्पष्ट करावे, असे आवाहन आनंद परांजपे यांनी केले आहे.

आणखी वाचा

माजी खासदार इम्तियाज जलील यांच्याविरुद्ध पुण्यात गुन्हा दाखल

Bigg Boss Marathi 5: सर्व एलिमिनेटेड सदस्यांची घरात…

दिल्लीच्या मुख्यमंत्री आतिशी यांनी बाजुला रिकामी खुर्ची ठेवून स्वीकरला पदभार; कारण सांगत म्हणाल्या…

संजय दीना-पाटील यांच्या खासदारकीला आव्हान, शपथपत्रात आईच्या नावाचा उल्लेख नसल्याने अपात्र ठरवण्याची मागणी

अंबड गोळीबार प्रकरणात दीपक बडगुजरचा शोध; पोलिसांची खोट्या गुन्ह्यात अडकवण्याची तयारी, ठाकरे गटाचा आरोप

बुलढाणा : तब्बल दहा तास टॉवरवर चढून आंदोलन; उडी घेण्याचा…

अजित पवारांच्या माजी नगरसेवकाच्या पिस्तूलातून गंमतीत गोळीबार; माजी नगरसेवकासह दोघांना अटक

इम्तियाज जलील यांच्यासह पाच उमेदवारांची एमआयएमकडून घोषणा, मतदारसंघाचा संभ्रम कायम

“हा ब्रह्मराक्षस आम्हीच तयार केलाय”, अजित पवारांचं नाव घेत विजय शिवतारेंचा हल्लाबोल; म्हणाले, “त्यांनी नीच पातळी गाठली!”

मग शिंदेशाहीदेखील पराभत करायची का?

सूनेत्रा पवार यांना मतदान का करावे? असाही प्रश्न विजय शिवतारे यांनी पत्रकार परिषदेतून उपस्थित केला होता. त्यावर पलटवार करताना परांजपे म्हणाले की, २०१४ मध्ये कल्याणच्या जनतेने डॉ. श्रीकांत शिंदे यांचे काय योगदान होते, हे विचारले पाहिजे होते का? जर पवारांची घराणेशाही संपविण्याचे आवाहन शिवतारे करत असतील तर आम्ही ठाणे जिल्ह्यातील शिंदेशाही पराभूत करायची का? असाही प्रश्न ठाणेकर जनता विचारू शकते. त्यामुळे आता वेळ आली आहे की, मुख्यमंत्री एकनाथ शिंदे यांनी आपल्या वाचाळवीर शिवराळ नेत्यांना आवर घालून त्यांच्यावर कारवाई केली पाहीजे.

अहमदनगर शहराचे नाव आता ‘अहिल्यानगर’, तर पुण्यातली वेल्हे तालुक्याचे नाव ‘राजगड’, सरकारचा निर्णय

विजय शिवतारे काय म्हणाले?

विजय शिवतारे यांनी लोकसभा निवडणूक ‘नमो विचारमंच’ या नावाखाली लढवणार असल्याचे सांगितले. “प्रस्थापितांच्या विरोधात आवाज उठवण्यासाठी ही लढाई मी लढतोय. मी महायुतीच्या विरोधात नाही. मी एकनाथ शिंदेंचा शिलेदार आहे. देवेंद्र फडणवीसांना गुरू मानणारा माणूस आहे. नरेंद्र मोदींशी निष्ठा असणारा मी माणूस आहे. मी बंडखोरी केलेली नाही. इथे पवार विरुद्ध पवार हाच सामना चालू आहे. विरोधातल्या ५ लाख ८० हजार मतदारांनी जायचं कुठे?” असा प्रश्न विजय शिवतारे यांनी उपस्थित केला.