मविआच्या नागपूरच्या सभेत अजित पवार भाषण करणार नाहीत; माध्यमांनी प्रश्न विचारताच म्हणाले, “प्रत्येक पक्षाच्या…!”

गेल्या काही दिवसांपासून अजित पवार नाराज असल्याच्या चर्चा सुरू झाल्या आहेत. त्यातच, अजित पवार राज्य सरकारबरोबर जाणार असल्याच्याही चर्चांना उधाण आलं आहे. सत्ताधारी गोटातून यावर प्रतिक्रिया दिल्या जात असताना स्वत: अजित पवारांनी त्यावर अद्याप सविस्तर भूमिका मांडलेली नाही. त्यातच नाराजीमुळे अजित पवार नागपूरच्या सभेला उपस्थित राहणार नसल्याचं बोललं जाऊ लागलं होतं. त्यावर अजित पवारांनीच सकाळीच नागपूरमध्ये दाखल होत या चर्चा खोट्या ठरवल्या. मात्र, सभेत आपण भाषण करणार नसल्याचं त्यांनी माध्यांना सांगितलं.

आणखी वाचा

“भाजपाला पूर्वी RSS ची गरज होती, आता…”, नड्डांच्या वक्तव्यावर संघाची प्रतिक्रिया; म्हणाले, “कौटुंबिक वाद…”

“आम्ही अमिताभ बच्चन यांना आणून राजेश खन्नाचे करिअर…

हैदराबाद एन्काउंटरची चौकशी करणारे न्यायमूर्ती म्हणाले, “जलद न्यायाच्या मागे लागू नका…”

अजित पवारांच्या एक्झिटसाठी चक्रव्यूह? भाजप-शिंदे गटाकडून आक्रमक रणनीती

Smriti Irani for Delhi CM: अमेठीत पराभव आता दिल्लीच्या मुख्यमंत्रीपदासाठी संभाव्य दावेदार, भाजपा दिल्लीची सूत्रे स्मृती इराणींच्या हाती देणार?

वादग्रस्त वक्तव्याचे प्रकरण: जितेंद्र आव्हाडांविरोधात गुन्हा नोंदवण्याच्या मागणीचा पुनर्विचार करा,उच्च न्यायालयाचे ठाणे न्यायदंडाधिकाऱ्यांना आदेश

गोंदियाः ‘हे’पंतप्रधान नरेंद्र मोदींना शोभनीय नाही,कॉग्रेसचे चेनीथल्ला म्हणतात,‘मुख्य न्यायाधीशांच्या घरी…’

महायुतीमध्ये मैत्रीपूर्ण लढतीची शक्यता, शिंदे गटाच्या नेत्याचे भाकित

अधिवेशन चालू असतानाच सभांचं नियोजन

अधिवेशन चालू असतानाच राज्यभर मविआच्या सभा घेण्याचं नियोजन झाल्याचं अजित पवार म्हणाले. “अधिवेशन काळात एकत्र भेटून आम्ही या सभांच्या तारखा अंतिम केल्या. मविआच्या वतीने जी काही भूमिका मांडायची, ती आपण एकत्रपणे मांडू असं ठरलं”, असं अजित पवार म्हणाले.

“शरद पवार म्हणाले, कुटुंबाला टार्गेट करतायत”, संजय राऊतांच्या दाव्यावर भाजपाची खोचक टीका; म्हणे, “राऊतांना दुसऱ्याच्या घरात..!”

एकूण ७ सभा होणार

“६ ते ७ सभा पूर्ण महाराष्ट्रात घ्यायच्या असं ठरलं. आम्ही सुरुवात छत्रपती संभाजीनगरपासून केली. त्यानंतर दुसरी सभा नागपूरला आहे. तिसरी सभा १ मे रोजी मुंबईत आहे. चौथी सभा १४ मे रोजी छत्रपती संभाजी महाराजांच्या जयंतीच्या दिवसी पुण्याला आहे. शेवटची सभा ११ जूनला अमरावतीला आहे. त्याआधी नाशिक आणि कोल्हापूरला प्रत्येकी एक सभा होईल. अशा सगळ्या सभा ठरल्या आहे”, असं अजित पवार म्हणाले.

सभेत भाषण का करणार नाही?

“आमचं आधीच ठरलं होतं की सभांमध्ये प्रत्येक पक्षाच्या दोन मान्यवरांनी भाषणं करायची. ती कुणी दोघांनी करायची ते त्या त्या पक्षानं ठरवायचं. छत्रपती संभाजी नगरला बाळासाहेब थोरात आणि अशोक चव्हाणांनी भाषण केलं. मी आणि धनंजय मुंडेंनी भाषण केलं. उद्धव ठाकरे आणि चंद्रकांत खैरैंनी भाषण केलं. अंबादास दानवेंनी भाषण केलं नाही. दोघंच बोलायचं म्हटल्यावर दानवे जरी छत्रपती संभाजीनगरचे असले, तरी त्यांनी दोघांची नावं दिली होती”, असं अजित पवार म्हणाले.

“सगळ्यांचं माझ्यावर एवढं प्रेम का ऊतू चाललंय, तेच कळेना”, अजित पवारांची मिश्किल टिप्पणी; ‘त्या’ राजकीय विधानांवर टोला!

“आमच्या प्रांताध्यक्षांनी सांगितलं की आपलं ठरलंय तर ठरल्याप्रमाणे आपण वागू. इथे नागपूरला आमच्याकडून जयंत पाटील आणि अनिल देशमुख भाषण करतील. कारण विदर्भातली सभा आहे. अनिल देशमुख विदर्भातले आहेत आणि जयंत पाटील आमचे प्रांताध्यक्ष आहेत. शिवसेनेकडून उद्धव ठाकरे भाषण करतील. दुसरे कोण करणार हे मला माहिती नाही”, असं अजित पवारांनी यावेळी नमूद केलं.

“सभा आटोपशीर व्हावी हा हेतू”

“काँग्रेसकडून बहुतेक नाना पटोले आणि सुनील केदार भाषण करतील. नाना पटोले प्रांताध्यक्ष आहेत. गेल्या वेळी त्यांनी भाषण केलं नव्हतं. सुनील केदारांनी इथली जबाबदारी घेतली होती, त्यामुळे ते भाषण करण्याची शक्यता नाकारता येत नाही. पण सभा आटोपशीर व्हावी, सभा लांबू नये आणि येणाऱ्या श्रोत्यांना, नागरिकांना भाषणं मर्यादित वेळेत ऐकायला मिळावी, हा त्यामागचा दृष्टीकोन आहे”, असंही ते म्हणाले.