पिंपरी-चिंचवडचे माजी महापौर ठाकरे गटात? संजोग वाघेरे, उद्धव ठाकरे भेटीमुळे अजित पवारांना धक्का, उपमुख्यमंत्री म्हणाले…

दरम्यान, या भेटीवर आणि वाघेरे यांच्या ठाकरे गटातील प्रवेशाबाबत उपमुख्यमंत्री अजित पवार यांनी प्रतिक्रिया दिली आहे. अजित पवार म्हणाले, राजकारणातले लोक नेहमीच एकमेकांच्या भेटी घेत असतात. अशी भेट काही आज झालेली नाही. हे आधीपासूनच चालत आलं आहे. शिवसेना, राष्ट्रवादी किंवा भाजपात (महायुती) इकडची उमेदवारी कोणाला देणार याची चाचपणी एखाद्याने केली असेल. एखाद्याला वाटत असेल की आपण खासदार व्हावं, याबाबतची चाचपणी त्याने केली असेल. कोणाला आमदार व्हायचं आहे, तर कोणाला खासदार व्हायचं आहे. इकडे आपल्याला तिकीट मिळणार नाही असं वाटलं असेल, त्यामुळे तिकडे गेले असतील.

आणखी वाचा

अरविंद केजरीवाल आणि ‘आप’ला रोखण्यासाठी भाजपाची मतदारांना कोणती आश्वासनं?

…तर औषधाची गरजच नाही! वाचा निरोगी आयुष्य जगण्यासाठी…

Chandrakant Khaire : “हात जोडून विनंती करतो, उद्धव ठाकरेंची साथ सोडू नका”, चंद्रकांत खैरेंचं व्यासपीठावर कार्यकर्त्यांना दंडवत

स्थानिक स्वराज्य संस्थांच्या निवडणुकीसाठी ठाकरे गटाच्या स्वबळाच्या भूमिकेमागे नेमकी कारणं काय?

MVA : “महाविकास आघाडी उद्ध्वस्त होतेय, जनतेने त्यांना हाकलून दिले”, ठाकरे गटाचा स्वबळाचा नारा; अजित पवार गटाचा टोला

Supriya Sule : महापालिका निवडणुकीबाबतच्या ठाकरे गटाच्या भूमिकेवर सुप्रिया सुळेंचं रोखठोक मत; म्हणाल्या, “या निवडणुका…”

Vijay Wadettiwar : “आम्ही उद्धव ठाकरेंना विनंती करू, अन्यथा…”, ठाकरे गटाच्या स्वबळाच्या घोषणेवर विजय वडेट्टीवारांचं मोठं विधान

Sanjay Raut : मुंबई महापालिकेची निवडणूक ठाकरे गट स्वबळावर लढणार? संजय राऊतांचं मोठं भाष्य; म्हणाले, “दिल्लीत जे घडलं तेच…”

कदाचित शिवसेनेत (ठाकरे गट) तिकीट मिळेल असं वाघेरे यांना वाटलं असेल. त्यामुळे उमेदवारीच्या हेतूने काहीजण तिकडे गेले असतील असं म्हणत अजित पवार यांनी सांगितलं की, अलीकडच्या काळात त्यांचं संजोग वाघेरे यांच्याशी संभाषण झालेलं नाही. ते म्हणाले, मी संजोग वाघेरे आणि उद्धव ठाकरे यांचा एकत्र फोटो पाहिला आहे. वाघेरे इथे (पिंपरीत) आल्यावर मी त्यांना विचारेन. प्रत्येकाला व्यक्तीस्वातंत्र्य आहे. मताचं स्वातंत्र्य आहे. महाविकास आघाडीकडे उमेदवार नाही. त्यामुळे वेगवेगळ्या भागातले उमेदवार घेण्याचा त्यांचा प्रयत्न चाललाय.

हे ही वाचा >> “तुम्ही बघाच, हा अजित पवार आता…”, उपमुख्यमंत्र्यांनी अमोल कोल्हेंविरोधात दंड थोपटले, म्हणाले, “एक गोष्ट कायम…”

संजो वाघेरे हे मावळमधून लोकसभा निवडणूक लढवण्यासाठी इच्छुक आहेत. २०१९ च्या लोकसभा निवडणुकीवेळी त्यांनी जोरदार तयारी केली होती. पण, ऐनवेळी उपमुख्यमंत्री अजित पवार यांचे पुत्र पार्थ पवार यांना उमेदवारी मिळवून दिली. त्यामुळे वाघेरे यांना माघार घ्यावी लागली होती. आता महायुतीत मावळची जागा मुख्यमंत्री एकनाथ शिंदे यांच्या शिवसेनेला मिळण्याची शक्यता असल्याने वाघेरे यांनी ठाकरे गटाच्या पर्यायाची चाचपणी सुरु केल्याचं बोललं जात आहे. राष्ट्रवादीतील फुटीनंतर वाघेरे हे अजित पवार यांच्या गटात होते. अजित पवार आज पिंपरीत असतानाच वाघेरे यांनी उद्धव ठाकरे यांची भेट घेतल्याने अजितदादांना धक्का बसण्याची शक्यता आहे. वाघेरे यांना ठाकरे गटाकडून मावळमधून उमेदवारी मिळणार असल्याची जोरदार चर्चा आहे.