अजित पवारांकडून करमाळ्यात आमदार संजय शिंदे यांचा प्रचार, महायुती धर्माला कोलदांडा

मोहोळ आणि माढा या दोन्ही विधानसभा जागांसाठी पक्षाच्या प्रचारार्थ मोहोळमध्ये आयोजित केलेल्या सभेत अजित पवार यांनी करमाळा मतदारसंघात अपक्ष आमदार संजय शिंदे यांचा पुरस्कार केला. करमाळा विधानसभा निवडणुकीत महायुतीकडून शिवसेना एकनाथ शिंदे पक्षाचे दिग्विजय बागल हे उमेदवार असताना तेथील अपक्ष आमदार संजय शिंदे यांना निवडून देण्याचे आवाहन पवार यांनी केले. संजय शिंदे यांनी स्वतः आपणास भेटून आपण अपक्ष उभे राहत असल्याचे सांगून आपली परवानगी घेतली. त्यांचे चिन्ह सफरचंद आहे. त्यांना निवडून आणायचे आहे, अशा शब्दांत अजित पवार यांनी अपक्ष संजय शिंदे यांच्या उमेदवारीचे समर्थन केले. मात्र याचवेळी माढ्याचे ज्येष्ठ आमदार बबनराव शिंदे यांनी आपली साथ सोडून, पुत्र रणजित शिंदे यांना पक्षाच्या घड्याळ चिन्हाऐवजी अपक्ष उमेदवार म्हणून रणांगणात उतरविल्याबद्दल पवार यांनी तीव्र नाराजी व्यक्त केली.

हेही वाचा – मोदींची सत्ता गेल्यावरच देशात ‘अच्छे दिन’ – सिद्धरामय्या

हेही वाचा – राज ठाकरेंनी सांगितली लोकसभेत भाजपाच्या पीछेहाटीची दोन कारणं; म्हणाले, “तेव्हा भाजपाचा एक उमेदवार…”!

े

u

विधानसभा निवडणुकीत भाजपकडून ‘बटेंगे तो कटेंगे’ चा दिला जाणारा इशारावजा नारा उपमुख्यमंत्री अजित पवार यांनी पुन्हा स्पष्टपणे अमान्य केला. हा नारा छत्रपती शिवाजी महाराजांच्या महाराष्ट्रात बिल्कुल चालणार नाही, असे स्पष्टपणे सुनावत पवार यांनी, अशा मुद्द्यावर दलित, आदिवासी, मुस्लिम समाजानेही घाबरू नये, असे आवाहन केले.