“आम्ही आज अयोध्येला जाणार होतो, पण…”, अजित पवारांनी सांगितलं प्राणप्रतिष्ठेला न जाण्याचं कारण

रामजन्मभूमी ट्रस्टने महाराष्ट्राचे मुख्यमंत्री एकनाथ शिंदे आणि दोन्ही उपमुख्यमंत्र्यांना (देवेंद्र फडणवीस आणि अजित पवार) या सोहळ्याचं निमंत्रण पाठवलं आहे. परंतु, मुख्यमंत्री एकनाथ शिंदे आणि उपमुख्यमंत्री अजित पवार या सोहळ्याला जाणार नाहीत. उपमुख्यमंत्री अजित पवार यांनी याबाबतची माहिती दिली. अजित पवार यांनी काही वेळापूर्वी प्रसारमाध्यमांशी बातचीत केली. यावेळी ते म्हणाले, प्राणप्रतिष्ठा सोहळ्यानिमित्त आपल्या राज्य सरकारने सार्वजनिक सुट्टी जाहीर केली आहे. देशातल्या इतर काही राज्यांनी अर्धा दिवस सुट्टी जाहीर केली आहे.

आणखी वाचा

लालकिल्ला : मोदी-योगींच्या प्रचाराने काय साधणार?

Sushma Andhare : “माझी प्रिय भावजय” म्हणत सुषमा…

“पंतप्रधान मोदी म्हणजे ‘झुटों के सरदार’, त्यांनी हेच लाल संविधान…”; ‘त्या’ टीकेला मल्लिकार्जून खरगेंचं प्रत्युत्तर!

Sharad Pawar : “सत्ता फार लवकर डोक्यात गेली”, शरद पवारांचा धनंजय मुंडेंना टोला; म्हणाले, “अडचणींच्या काळात…”

Amit Shah : ‘महायुतीचं सरकार आल्यास मुख्यमंत्री कोण?’ अमित शाह म्हणाले, “नेतृत्व…”

Sanjay Singh: आपचे राष्ट्रीय प्रवक्ते संजय सिंह म्हणतात, “हम ना बटेंगे ना कटेंगे; हम भाजप को लपेटेंगे”

फडणवीस म्हणाले, “पाटणी पुत्राची समजूत घालण्याचा प्रयत्न केला, पण…”

“…म्हणून महिलांना धमक्या दिल्या जात आहेत”; धनंजय महाडिकांच्या ‘त्या’ विधानावरून संजय राऊतांचा हल्लाबोल!

अजित पवार म्हणाले, राज्यातल्या शासकीय इमारतींमध्ये रोषणाई करण्याच्या सूचना दिल्या आहेत. सर्व शासकीय कार्यालयांमध्ये काम करणारे रामभक्त त्यांच्या इच्छेप्रमाणे आणि तिथल्या पद्धतीप्रमाणे कार्यक्रम करणार आहेत. अनेक कार्यालयांमध्ये अशा कार्यक्रमांची तयारी करण्यात आली आहे.

प्राणप्रतिष्ठा सोहळ्याला जाणार का? या प्रश्नावर उत्तर देताना अजित पवार म्हणाले, मला आणि मुख्यमंत्री एकनाथ शिंदे यांना या सोहळ्याचं निमंत्रण पाठवण्यात आलं आहे. खरंतर, मी आणि मुख्यमंत्री आजच या कार्यक्रमासाठी अयोध्येला जाणार होतो. परंतु, काल मी उरूळी कांचनला असताना मला मुख्यमंत्र्यांचा फोन आला. ते मला म्हणाले, ‘आपल्याला प्राणप्रतिष्ठा सोहळ्याचं आमंत्रण आहे. मात्र उद्या (२२ जानेवारी) या कार्यक्रमाला केवळ आपण दोघेच न जाता काही दिवसांनी आपलं संपूर्ण मंत्रिमंडळ घेऊन अयोध्येला जाऊया. आपण एक तारीख ठरवू आणि त्या दिवशी अयोध्या दौरा करू. आपण दोघेच तिथे जाणं आणि बाकीच्यांना उद्या तिथे जाता न येणं (सुरक्षेच्या कारणास्तव) योग्य नाही. त्यामुळे आपण नंतर सर्वांना घेऊनच जाऊया.’ कारण उद्या इतरांना तिथे जाण्याची परवानगी नाही. राज्याच्या प्रमुखांनी हा निर्णय घेतला आहे. त्यामुळे आम्ही उद्या अयोध्येला जाणार नाही.

हे ही वाचा >> देवेंद्र फडणवीसांनी ट्वीट केलेल्या कार सेवेच्या ‘त्या’ फोटोवर राऊतांनी उपस्थित केला सवाल; म्हणाले, “तुम्ही…”

मुख्यमंत्री काय म्हणाले?

मुख्यमंत्री एकनाथ शिंदे यांनी एक्स या मायक्रोब्लॉगिंग प्लॅटफॉर्मवर एक पोस्ट केली आहे. त्याध्ये म्हटलं आहे की, अयोध्येत राम मंदीर उभारणीचे कोट्यवधी भारतीय आणि रामभक्त तसेच हिंदुहृदयसम्राट बाळासाहेब ठाकरे यांचं स्वप्न देशाचे लोकप्रिय पंतप्रधान नरेंद्र मोदी यांनी साकारलं आहे. यासाठी मोदींचे शतशः आभार. अयोध्येमध्ये सोमवारी श्री रामचंद्रांच्या मूर्तीची प्राणप्रतिष्ठा होत आहे. या ऐतिहासिक आणि नेत्रदीपक सोहळ्याचे आम्हाला निमंत्रण आहेच. देशवासियांसाठी अभिमानास्पद अशा या अभूतपूर्व क्षणाचे साक्षीदार फक्त मी, उपमुख्यमंत्री देवेंद्र फडणवीस तसेच अजित पवार अशा तिघांनीच होण्याऐवजी संपूर्ण मंत्रिमंडळ, खासदार, आमदार, लोकप्रतिनिधी आणि राज्यातील रामभक्त अशा सर्वांना घेऊन प्रभू श्रीरामाचं दर्शन आम्ही घेणार आहोत. अयोध्येतल्या दर्शनाची तारीख आणि वेळ लवकरच ठरवत आहोत.