“…अन् मी कपाळावर हात मारला”, अजित पवारांनी सांगितला आमदार सुरेश धस यांच्या दुसऱ्या लग्नाचा किस्सा

अजित पवार म्हणाले, “मी देवगिरी बंगल्यावर असताना सुरेश धस त्यांच्या आईला आणि इतर काही लोकांना घेऊन माझ्याकडे आले आणि त्यांनी मला एक परवानगी मागितली. मी विचारलं, मला कसली परवानगी मागताय? तर ते म्हणाले, आईलाही बरोबर घेऊन आलोय. त्यानंतर त्यांनी कसली परवानगी मागितली असेल…? त्यांनी थेट दुसरं लग्न करण्याची परवानगी मागितली. मी ते ऐकून कपाळावर हात मारला. त्यांनी त्यांच्या आईला बाजूलाच बसवलंय आणि म्हणतात… आईची पण सहमती आहे, आता तुम्ही परवानगी द्या. त्यावर, मी त्यांना म्हटलं, अहो सुरेशराव काय चाललंय काय?” हा किस्सा सांगून अजित पवार म्हणाले, “कधी कोणाच्या मनात काय येईल हे सांगता येत नाही,”

हे ही वाचा >> “भाजपाचा डीएनए ओबीसी असेल तर…”; लक्ष्मण हाकेंचं देवेंद्र फडणवीसांना आव्हान; म्हणाले, “गावगाड्यातील सर्व ओबीसींनी…”

सुरेश धस हे भाजपाचे विधान परिषद सदस्य आहेत. ११ जून २०१८ रोजी झालेल्या निवडणुकुती त्यांनी अशोक जगदाळेंविरुद्ध ७४ मतांनी विजय मिळवला होता. त्यांनी भाजपा, राष्ट्रवादी, परत भाजपा असा प्रवास केला आहे. सरपंचपदापासून मंत्रिपदापर्यंत मजल मारली आहे. आष्टी विधानसभा मतदारसंघातून ते तीन वेळा आमदार म्हणून निवडून आले आहेत. सध्या भाजपचे प्रवक्ते म्हणून काम पाहतात.