Ajit Pawar : उपमुख्यमंत्री अजित पवार हे त्यांच्या आक्रमक स्वभावासाठी आणि धडाधड निर्णय घेण्यासाठी ओळखले जातात. सध्या अजित पवार ( Ajit Pawar ) यांची जनसन्मान यात्रा सुरु झाली आहे. निवडणूक प्रचाराचा नारळ त्यांनी फोडला आहेच. कधी ते शेतकऱ्यांच्या बांधावर जात आहेत, कधी चहाच्या टपरीवर जात आहेत, कधी भगिनींबरोबर सेल्फी काढत आहेत. अशात पिंपरीमधल्या एका दिव्यांग भगिनीसह अजित पवार ( Ajit Pawar ) यांनी केलेला संवाद चर्चेत आला आहे. नेमकं काय घडलं? पुण्यातल्या पिंपरी या ठिकाणी एका दिव्यांग भगिनीशी अजित पवारांनी संवाद साधला आणि तिची चौकशी केली. दोन हात नसतानाही तिने मोबाइल नंबर डायल केला. तसंच मी स्वयंपाक करते असंही अजित पवारांना ( Ajit Pawar ) सांगितलं तेव्हा "व्वा गं माझी मैना" असं म्हणत त्या भगिनीचं अजित पवारांनी कौतुक केलं. तसंच तिला मदतीचं आश्वासनही दिलं. हे पण वाचा- Pink Color : अजित पवारांच्या गुलाबी थीममुळे रंग चर्चेत, मात्र हा कलर महिला किंवा मुलींशी कधी आणि कसा जोडला गेला? राष्ट्रवादी काँग्रेस पक्षाने या प्रसंगाबाबत काय म्हटलं आहे? पिंपरीमध्ये जनसन्मान यात्रेदरम्यान एका धाडसी भगिनीने आपल्या लहान मुलासह अजित पवारांची ( Ajit Pawar ) भेट घेतली. एका अपघातात आपले दोन्ही हात गमावूनही ती भगिनी हार न मानता खंबीरपणे लढते आहे. आपला भाऊ म्हणून तिने दादांना हक्काने घर मिळवून देण्याची विनंती केली. दादांनीही तातडीने तिला घर मिळवून देण्याचे वचन दिले. या भगिनीने आपले हात गमावले असले तरी, ती अजूनही सर्व घरकाम स्वतःच करते. दादांबरोबरच्या भेटीदरम्यान, तिने स्वतः मोबाईल फोन कसा वापरते हेही दादांना दाखवले. यावेळी बोलताना अजित पवारांनी राज्यातील सर्व माऊलींना आश्वस्त केले की, तुमचा अजितदादा प्रत्येक संकटात तुमच्यासोबत भावासारखा उभा आहे. अजित पवारांनी काय आश्वासन दिलं? एका अपघातात आपले दोन्ही हात गमावूनही ती भगिनी हार न मानता खंबीरपणे लढत आहे. आपला भाऊ म्हणून तिने अजित पवारांना हक्काने घर मिळवून देण्याची विनंती केली. अजित पवारांनीही ( Ajit Pawar ) तिला तातडीने घर मिळवून देण्याचं वचन दिलं. या भगिनीने आपले हात गमावले असले तरी, ती अजूनही सर्व घरकाम स्वतःच करते. अजित पवार यांच्यासमवेतच्या भेटीदरम्यान, तिने स्वतः मोबाईल फोन कसा वापरते हेही उपमुख्यमंत्र्यांन दाखवले. तसेच, मी घरातील सर्व कामे करते, स्वयंपाक करते, पोळ्यांसाठी पीठ मळून घेते, कपडे-भांडी देखील धुते, असे तिने म्हटले. तसंच अजित पवारांना मोबाईलवरुन नंबर डायल करुन दाखवलं. त्यानंतर, अजित पवारांनी तिच्यासमोर हात जोडून, नंतर तिच्या डोक्यावर हात ठेवला. वा गं माझी मैना… असे म्हणत तिच्या कर्तबगारीला दाद दिली. तसेच, या महिलेच्या मोबाईलमध्ये अधिकाऱ्याला नंबर सेव्ह करुन देण्यासही बजावले. हा व्हिडीओ सोशल मीडियावर व्हायरल झाला आहे.
